رەسەي مەن تۇركيا سيريا ۇكىمەتىمەن اراداعى كەلىسسوزدەر جۇرگىزۋدىڭ جاڭا الاڭى رەتىندە استانانى ۇسىنباقشى دەپ حابارلايدى naryk.kz
بۇل تۋرالى بۇگىن رەسەي پرەزيدەنتى ۆلاديمير پۋتين جاپونيانىڭ پرەمەر-مينيسترى سيندزو ابەمەن بىرگە وتكەن باسپا ءسوز كونفەرەنسياسىندا مالىمدەگەن، دەپ حابارلايدى «قازاقپارات».
«الدىڭعى كۇنى تۇركيا پرەزيدەنتى رەدجەپ تايىپ ەردوعانمەن تەلەفون ارقىلى سويلەسىپ، قاقتىعىسۋشى تاراپتارعا مىناداي ۇسىنىس جاسايمىز دەپ كەلىستىك: ءبىز ءوز تاراپىمىزدان سيرياعا، تۇركيا پرەزيدەنتىنە – قارۋلى وپپوزيسيا وكىلدەرىنە – قازاقستان ەلورداسى استانا قالاسىن بەيبىت كەلىسسوزدەر الاڭى رەتىندە ۇسىنامىز»، – دەدى ول.
ونىڭ ايتۋىنشا، ەگەر قاقتىعىسۋشى تاراپتار وسى ۇسىنىسىمىزدى قابىل السا، رەسەي مەن تۇركيا قازاقستان پرەزيدەنتى نۇرسۇلتان نازاربايەۆتان وسى جۇيەنى قابىل الۋىن وتىنەدى.
«ەگەر وسى ويىمىز جۇزەگە اسسا، بۇل جەنيەۆاداعى الاڭ سياقتى بولمايدى. الايدا، جەنيەۆالىق كەلىسسوزدەردى تولىقتىرادى»، – دەپ اتاپ ءوتتى ۆ.پۋتين.
پىكىر قالدىرۋ