سۋرەتتەمە: «اناعا اپارار جول» كارتيناسىنىڭ نەگىزگى سيۋجەتى انا ماحابباتىنىڭ قۋاتتى كۇشىنەن باستاۋ الادى. وسىناۋ قۇدىرەتتى كۇشتىڭ ارقاسىندا كەيىپكەر ۇيىنە بارار جولدا كەزدەسكەن اۋىر قينىشىلىقتاردى جەڭىپ شىعادى. وقيعانىڭ نەگىزگى جەلىسى قازاق حالىقىنىڭ باسىنا تۇسكەن اۋىر كەزەڭمەن تۇسپا-تۇس كەلگەن: ۇجىمداستىرۋ، جۇت، سوعىس جانە سوعىستان كەيىنگى جىلدار. كارتينانىڭ باستى كەيىپكەرى ءىلياس ەرەكشە رۋحتى، ەرلىك پەن وتانسۇيگىشتىك جانە كەرەمەت قايسار مىنەز كورسەتەدى. تاعدىردىڭ اۋىر سوققىلارىمەن بەتپە-بەت كەلەدى: بالالار ءۇيى، سۇراپىل سوعىس، تۇتقىنعا ءتۇسۋ، جازاسىن وتەۋشىلەر لاگەرىنە تاپ بولادى. وسىناۋ اۋىرتپالىقتاردى ەڭسەرۋگە وعان انامەن جۇزدەسۋ ماقساتى كۇش بەرەدى. فيلم ومىرلىك قۇندىلىقتاردىڭ ءمانى مەن تىرشىلىكتەگى قۇبىلىستارعا وزگەشە كوزقاراسپەن قاراۋعا جول سىلتەيدى.