كەنتاۋدا جوعارى سۇرىپتى ونىمدەردى شىعارۋ ماسەلەسى قازىرگى تاڭدا بەرىك قولعا الىنعان. كەندى شاھارعا قاراستى قارناق اۋىلىنداعى قوجالىقتىڭ ونىمدەرىنە وبلىس بويىنشا سۇرانىس جوعارى بولىپ وتىر. وسىنى ءبىلۋ ماقساتىندا ءوڭىردىڭ شارۋا قوجالىقتارىمەن تانىس بولدىق.

          جىلىجايلار، جەمىس باقشالارى، جوعارى سورتتاعى كوكونىستەر. بۇل -قارناق اۋىلىنىڭ تۇرعىندارى وندىرەتىن ونىمدەر. وسى شارۋامەن ۇزاق جىلدار بويى اينالىساتىن اۋىل تۇرعىندارىنىڭ تاۋارى  بۇگىندە رەسپۋبليكا بويىنشا ەكسپورتقا شىعارىلادى. وسىنى ەسكەرگەن قالا باسشىلىعى كاسىپكەرلەردى قولداۋ ماقساتىندا 500 ملن. تەڭگەگە جۋىق نەسيە بەرگەن ەكەن.

          سونداي ءبىر ەڭبەگىنىڭ جەمىسىن كورىپ وتىرعان  «مىرزا» شارۋا قوجالىعىنىڭ جۇمىسىمەن تانىس بولدىق. مەملەكەت تاراپىنان جاسالىپ جاتقان جاردەمگە قوجالىق يەسى انۆار مىرزايەۆ ءدان ريزا. ءتۇرلى جەمىس-جيدەكتەردىڭ كوشەتتەرىن ەگىپ، ولاردى وزگە وبلىستارعا جەتكىزۋمەن اينالىساتىن قوجالىقتىڭ بۇگىندە كىرىسى جاقسى. سۇرانىسى جوعارى. شارۋا قوجالىعىنىڭ باسشىسى انۆار مىرزايەۆ ءوز جۇمىسى جايلى بىلاي دەدى: «13 جىل بولدى مەنىڭ باۋ-باقشامەن اينالىسىپ جاتقانىما. مىنا ەسكى باۋ ول جەردەن جاقسى ءونىم الىپ جاتىرمىن. كىرىس جاقسى. ەندى مىنا جەردە كوشەت قوجالىعىم بار. ءتۇرلى المالار سليۆا، ورىك، چەرەشنيا، شابدالى، ءجۇزىم بارلىعىنان بار. 15 ءتۇرلى الما بار. مەن كوشەتتى بۇكىل اۋدانعا شىعارامىن.  شىمكەنت وبلىسىنان كەلىپ الادى كوشەتتى. مەندە بارلىعى جاڭا. جاڭا سورتتار. سۋىققا شىدامدى سورت». بۇل قوجالىق تازا ەڭبەكتىڭ ارقاسىندا بۇگىندەرى ۇلكەن ناتيجەلەرگە جەتىپ وتىر.

          قوجالىق قاراماعىندا تۇراقتى 3 جۇمىسشى بار. سونىمەن قاتار، قوسىمشا 20 شاقتى جۇمىسشى ۋاقتىلى قىزمەت جاسايدى. كولەمى 6 گەكتاردى الىپ جاتقان قوجالىقتىڭ ونىمدەرى بۇگىندە كوتەرمە باعامەن ساتىلۋدا.

مۇرات تالاپبەرگەنوۆ،

قارناق اۋىلى