بىرنەشە ايعا سوزىلىپ، كورەرمەندى ءار جەكسەنبى سايىن كوگىلدىر جاشىككە بايلاپ، باۋراپ العان «مۋزارت LIVE» جوباسى ءوز مارەسىنە جەتتى.

60000 ادامنان سۋىرىلىپ شىعىپ، اقتىق سىنعا 8 قاتىسۋشى وتكەن بولاتىن. سەگىزدىكتەن تورتەۋ تاڭدالىپ، جاڭا «مۋزارت» كۆارتەتى قۇرىلاتىنىن ەستەرىڭىزگە سالا كەتەيىك. ساكەن مايعازييەۆ، اقجول مەيىربەكوۆ، مەيرامبەك بەسپايەۆ، ءقىدىرالى بولمانوۆ، كەنجەبەك ءجانابىلوۆ، رينات گايسين تورەلىك ەتكەن جوبانىڭ اقتىق سىنىنىڭ شارتى بويىنشا جەڭىمپازدىڭ تەك بىرەۋىن حالىق ءوزى داۋىس بەرۋ ارقىلى تاڭدايدى. العاشقىلاردىڭ ءبىرى بولىپ جاڭا توپتىڭ قۇرامىنا كىرگەن قوستانايلىق سەرىكبولسىن كىشكەنبايەۆ بولدى.  ال، قالعان ءۇش ءفيناليستى توپ مۇشەلەرى قاسىندا وتىرعان كەڭەسشىلەرىمەن اقىلداسا وتىرىپ تاڭدادى. كەنجەبەكتىڭ كوزى نۇرحات سەگىزبايەۆقا تۇسسە، مەيرامبەك 18 جاسار ءازيز بالتەبەكۇلىن توپتان كورگىسى كەلدى. ۇزاق ويلانىپ، تەرەڭ تولعانعان ساكەن ءوزىنىڭ بۇل توپقا 25 جاستا كەلگەنىن، وعان دەيىن ونداعان بايقاۋلارعا قاتىسىپ، باعىن سىناسا دا جەڭىسكە جەتىپ كورمەگەنىن ايتتى.  ءسوز سوڭىندا ول سۇلتان احمەتتى تاڭدادى.

سونىمەن، جاڭا كۆارتەتتىڭ مۇشەلەرىمەن تانىسىڭىزدار.

ولار:

سەرىكبولسىن كىشكەنبايەۆ

نۇرحات سەگىزبايەۆ

ءازيز بالتابەك ۇلى

سۇلتان احمەت