شاردارا اۋدانىنداعى جاۋشىقۇم اۋىلى سوڭعى بىرنەشە جىلدىڭ كولەمىندە بىتىك وسكەن جۋاسىمەن جۇرتقا تانىلىپ كەلەدى. گوللانديالىق تاسىلمەن ەگەتىن پياز القابىنداعى باستى ەرەكشەلىك ونداعى قول كۇشىنىڭ بارلىعى تەحنيكا تۇرىمەن الماستىرىلعان. وسىلايشا شارۋالار ارام ءشوپتى وتاۋ، پيازدى قولمەن جەگەنە جاساۋ سياقتى ماشاقاتتاردان ءبىرجولا قۇتىلعان.

سەيدۋللا دوماتوۆتىڭ يەلىگىندەگى «تۇرار» شارۋا قوجالىعى بيىلعى جىلى 30 گەكتار جەرگە پياز تۇقىمىن سەۋىپ، ونىڭ جەمىسى دە ناتيجەلى بولدى. ديقانداردىڭ كوڭىلدەرى كوتەرىڭكى، سەبەبى گەكتار ءتۇسىمى 850 سەنتنەردەن اينالىپ وتىر. ياعني، ءار گەكتاردان 85 توننادان پياز ءونىمىن الۋ دەگەن وتە جوعارعى كورسەتكىش. جاۋشىقۇمنىڭ جۋاسى استانا، اقتوبە، الماتى قالالارىنا  تاسىمالدانىپ، ساۋداعا شىعارىلىپ ۇلكەن تابىس اكەلدى.

ال، اۋدان باسشىلارىنىڭ ۇيىمداستىرۋىمەن اۋىلدان ارنايى بەكەت اشىلىپ، جەرگىلىكتى تۇرعىندارعا ءار كەلىسى 50 تەڭگەدەن جاڭا پياز ونىمدەرى تاراتىلدى. بازاردا پيازدىڭ باعاسى 80 تەڭگەدەن ەكەنىن ەسكەرسەك، ارنايى بەكەتتەگى ارزان باعا حالىقتىڭ قالتاسىنا جەڭىل تيگەنى ءسوزسىز. وسىلايشا بيىلعى ماۋسىمدى وتە تابىستى ءارى جەمىستى قورىتىندىلاعان «تۇرار» شارۋا قوجالىعى الداعى جىلعا دا ۇلكەن جوسپارلار قويىپ وتىر. ماسەلەن، ءوندىرۋ تەحنولوگياسىنا جاڭالىقتار ەنگىزۋ مەن قنىمدىلىكتى كوبەيتۋ سىندى ۇعىمدار.

اسەل ابىلبەك