شىمكەنت قالا اۋماعىندا جەكەمەنشىكتە 3 مال سويۋ بەكەتى جانە 7 مال سويۋ الاڭشاسى اشىلعان. كۇنىنە وندا 200-220 باس ءىرى قارا جانە 200-300 باس ۋاق مال سويىلادى. حايدار دۋلاتي مەن مادەلى قوجا كوشەلەرىنىڭ بويىنداعى مال سويۋ الاڭشالارى ۆەتەريناريالىق-سانيتارلىق تالاپقا ساي كەلمەگەنى ءۇشىن سوتتىڭ شەشىمىمەن جابىلدى.

قالانىڭ سىرتىنان سول مال سويۋ الاڭشاسىنا ارنالعان 5 گەكتار جەر ءبولىندى. قالالىق ساۋلەت جانە قۇرىلىس ءبولىمى ماماندارى جوباسىن جاساپ جاتىر. جوعارىدا ايتىلعان مال سويۋ بەكەتتەرى جابىلعان جەكە كاسىپكەرلەر جانە وسىنداي ورىنداردى اشۋدى ويلاستىرىپ جۇرگەن ازاماتتارعا سول ايماقتان جەر بەرىلەدى.
قازىرگى تاڭدا، «شىمكەنت قالاسىندا جانۋارلاردى اسىراۋ قاعيداسى» جوباسى ازىرلەنىپ،بەكىتىلدى. وندا قالانىڭ باس جوسپارىنا سايكەس قالا تۇرعىندارىنىڭ مال ۇستاۋى بويىنشا جاڭا ەرەجەلەر ۇسىنىلعان. بۇل جوبانى وبلىستىق اۋىلشارۋاشىلىعى باسقارماسىنا وبلىستىق ءماسليحاتتىڭ بەكىتۋىنە جولدادىق. قاعيداعا ساي قالا اۋماعى 3 ايماققا بولىنەدى. مۇندا قالادا جايىلىمنىڭ جانە مالدى ايداپ وتەتىن كوشەلەردىڭ جوق بولۋىنا بايلانىستى ءبىرىنشى اۋماعىندا مال ۇستاۋعا تىيىم سالىنادى. ەكىنشى ايماقتا تۇراتىندار شەكتەۋلى مال باسىن عانا اسىراي الادى. ءۇشىنشى ايماقتا مال وسىرۋگە رۇقسات ەتىلەدى. بۇل جوبانىڭ كارتاسى دا جاسالدى.

 بيىل شارۋالارعا 500 توننا مينەرالدى تىڭايتقىش جوسپار بويىنشا بەرىلگەنىن ايتا كەتۋ كەرەك.

ەلدوس سىمەتبايەۆ