شىمكەنتتە مال شارۋاشىلىعى ورىستەي باستادى. قالاعا جاڭادان قوسىلعان ەلدىكەمەندەردەگى شارۋا قوجالىقتارىنىڭ ەسەبىنەن بۇگىندە مال باسى ارتىپ وتىر. بورداقىلاۋ الاڭدارى كوبەيىپ، ءىرى قاراعا دا بەتبۇرىس بەرى قاراپ كەلەدى.بۇعان دالەل رەتىندە ءتۇرلى شارۋا قوجالىقتارىنىڭ جەمىستى دە تابىستى ەڭبەگىن ءسوز ەتۋگە بولادى.

جاۋاپتى ماماندار مال شارۋاشىلىعى وسى قارقىنىن جوعالتپاسا، وبلىستى ەتپەن قامتۋعا شىمقالا شارۋاشىلىعىنىڭ الەۋەتى جەتەدى دەپ سەندىرەدى.

وسىدان 6 جىل بۇرىن كىشىگىرىم ءبىر قورادا 90 باس ءىرى قارانى سەمىرتۋدى باستاعان «راۋ» شارۋا قوجالىعىندا ءقازىر 500-گە تارتا ءىرى قارا مال بورداقىلانىپ جاتىر. جەرگىلىكتى تۇقىمداردان مۇندا سولتۇستىكتەن ساتىپ الىنعان اقباس، شۆەد سيىرلارى دا باپتالۋدا. مال باسىن تاعى 300-گە ارتتىرۋ جوسپارى تۇر.بىزدىڭشە بۇل جوسپارعا جەتۋ شارۋا قوجالىعى ءۇشىن ۇلكەن قيىنىق بولا قويماس. ويتكەنى باستىسى العا قويىلعان ماقسات بار. ءىس قيمىلدار جوسپارى دا ازىرلەنگەن. وسىنىڭ ءبارى ءتۇپتىڭ تۇبىندە وتاندىق شارۋاشىلىقتىڭ دامۋىنا جاقسى سەرپىن بەرەرى انىق.

جەڭىلدەتىلگەن نەسيە — مال بورداقىلاۋدى قولعا العان شارۋا قوجولىق يەلەرىنىڭ بارلىعىنا دەرلىك ورتاق ارمان. سالاعا تيەسىلى مەملەكەتتىك قامقورلىق ارتسا، ەپ-سەپتى شارۋالار شىمقالانىڭ جايلى اۋا رايىندا بۇل سالانى ۇرشىقتاي ءيىرىپ اكەتپەك.

انار جارقىن قىزى