كاينوۋ (Kainoa) ەسىمدى 5 جاسار ۇلدىڭ اناسى شاننا نيحاۋس (Shanna Niehaus) وسى سۋرەتتى عالامتورعا سالا وتىرىپ جازعانى مىڭداعان ادامنىڭ جۇرەگىن ەلجىرەتتى دەيدى lovewhatmatters.com سايتى.

«ءدال وسى مينۋتتا نە بولىپ جاتقانىن كورىپ وتىرسىز با؟ كەشە 5 جاسار اۋتيزممەن اۋىراتىن مەنىڭ ۇلىم تورنادو ەسىمدى يتپەن تانىستى. تورنادو اۋتيست بالالارعا كومەكتەسۋگە ۇيرەتىلگەن يت. ءبىز جاپونيادا ءومىر سۇرەتىن امەريكالىقتارمىز. تورنادومەن كەزدەسۋدى ەكى جىل بويى زارىعا كۇتتىك».

مىنا فوتودا اناسى بالاسىنا قاراپ وتىر. ول ءوز بالاسىن مەيىرلەنە قۇشاقتاي المايدى، كيىندىرە المايدى، ەركەلە المايدى. اۋتيزمگە شالدىققان بالا وزىنە دوس تابا الماي قينالعان. سەبەبى بالالارمەن بىرگە ويناي المايدى، كۇلە المايدى. قانشاما دارىگەرگە اپارىپ كورسە دە العا جىلجۋدى بايقاماعان اناسى ۇلىنىڭ يتپەن دوستاسقانىنا، ونىمەن ءۇنسىز تىلدەسكەنىنە باقىتتى.

شاننانىڭ ايتۋى بويىنشا، وسى مينۋت ۇزاق جىلدارعا سوزىلعان كۇرەسكە تاتيدى. «مەن قانشا ليتر كوز جاسىن توككەنىمدى ايتپاي اق قويايىن. ۇلىمنىڭ قينالعانى مەنىڭ جانىمدى جابىرقاتاتىن. ال، بۇگىن قۋانىشتان جىلاپ وتىرمىن. ۇلىمنىڭ ەندى سىرلاس دوسى بار. ەندى ءبارى جاقسى بولاتىنىنا سەنىمدىمىن»