كاسىپقوي بوكسشى جانقوش تۇراروۆ حالىقارالىق بوكس فەدەراسياسىنىڭ (IBF) نۇسقاسى بويىنشا ورتاشا اۋىر سالماقتاعى (147 فۋنتقا دەيىنگى – 66،7 كەلى) ۇزدىك بوكسشىلاردىڭ توپ-15-نە ەندى. قازاقستاندىق سپورتشى رەيتينگتىڭ 12-ورنىنا ورنالاستى. بۇل تۋرالى inform.kz پورتالىنا سىلتەمە جاساي وتىرىپ حابارلايدى.
ەسكە سالايىق، جۋىردا عانا شاڭىراق كوتەرگەن كاسىپقوي بوكسشى جانقوش تۇراروۆ قاراشا ايىنىڭ سوڭىندا ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قابىلداۋىندا بولىپ، ەلىمىزدە جەكە بوكس كەشىن وتكىزگىسى كەلەتىنىن ايتتى. ول 2017 جىلدىڭ قاڭتار ايىندا اقش-قا اتتانىپ، جاتتىعۋلارىن باستاماق. ايتا كەتەيىك، جانقوش وسىعان دەيىن 20 جەكپە-جەك وتكىزىپ، بارلىعىندا جەڭىسكە جەتتى. ونىڭ 14ء-ىن ۋاقىتىنان بۇرىن اياقتادى.
