انكارادا ءوتىپ جاتقان فوتوكورمە ۇستىندە رف-نىڭ تۇركياداعى ەلشىسى اندرەي كارلوۆتى بەلگىسىز بىرەۋ اتىپ كەتكەن، - دەپ حابارلايدى Qamshy.kz Hurriyet-كە سىلتەمە جاساپ.

دەرەككوزدەردىڭ حابارلاۋىنشا، قاسكوي ەلشىنىڭ كورمەنىڭ اشىلۋ ساتىندە سويلەپ تۇرعانىندا تۋ سىرتىنان اتقان. ازىرگەوق اتقان ادامنىڭ راديكال يسلاميست بولۋى مۇمكىن ەكەنى ايتىلۋدا.

جاراقات العان ەلشى اۋىر جاعدايدا اۋرۋحاناعا جەتكىزىلگەن. شابۋىل كەزىندە ا. كارلوۆتان باسقا تاعى بىرنەشە ادامنىڭ جاراقات العانى حابارلاندى. سونداي-اق، شابۋىل جاساۋشىنىڭ ەلشىنىڭ قورعاۋشىسى رەتىندە بىرگە كەلگەنى، ۇستالعاننان وڭ قالتاسىنان پوليسيا كۋالىگى تابىلعانى ايتىلۋدا.

ەستەرىڭىزگە سالساق، بۇعان دەيىن حابارلانعانداي جاقىن كۇندەرى تۇركيانىڭ سىرتقى ىستەر ءمينيسترى ءماۋلىت چاۆۋشوعلى ماسكەۋگە بارىپ، سيريا ماسەلەسى جونىندە كەلىسسوز جۇرگىزۋى كەرەك بولاتىن.