رەسەيدىڭ انكاراداعى وكىلەتتى ەلشىسى اندرەي كارلوۆ انكارادا "ساياxاتشى كوزىمەن كالينگرادتان كامچاتكاعا دەيىنگى رەسەي" اتتى فوتوكورمەگە قاتىسۋ بارىسىندا قاستاندىققا ۇشىرادى. كورمەنى انكاراداعى رەسەي ەلشىلىگى مەن انكارانىڭ چانكايا اۋدانىنىڭ اكىمشىلىگى بىرلەسە ۇيىمداستىرعان.
كارلوۆتى اشىلۋ سالتاناتىندا سويلەپ تۇرعاندا بەلگىسىز بىرەۋ اتىپ، اسپانعا دا وق اتقان. قوناقتار ابىر-سابىر كۇيدەن جان-جاققا باس ساۋعالاعان. اۋىر جارالى كارلوۆ جاقىن ماڭداعى اۋرۋزاناعا جەتكىزىلگەنىمەن قايتىس بولدى. ال، قاستاندىق جاساۋشى ارناۋلى وپەراسيادا ولتىرىلگەن.
ازىرگە وقيعانى ءاقش-تىڭ سىرتقى ىستەر مينيسترلىگى ايىپتاپ ۇلگەردى. "قامشى" پورتالى وقيعا تۋرالى وقىرماندارىن اقپاراتتاندىرىپ وتىراتىن بولادى.
