«قازاق راديوسى»، «شالقار»، «استانا»، «Classic» راديولارى ءبىر ورتالىققا بىرىكتىرىلدى. بۇل تۋرالى «قازاقستان» رترك باسشىسى كەمەلبەك ويشىبايەۆ الەۋمەتتىك جەلىدە حابارلادى.

«قۇرمەتتى دوستار!

ەلىمىزدەگى راديونى دامىتۋ ماكساتىندا "قازاقستان" ترك قاراستى راديولاردا وزگەرىس بار. قازاق راديوسى، "شالقار"، "استانا"، "Classic" راديولارى "رەسپۋبليكالىق راديو" جشس-نە بىرىكتi، 1 قانتاردان جاڭا سەرiكتەستiك جۇمىسىن باستايدى. مينيستر داۋرەن ابايەۆتىڭ كەلiسiمiمەن ۇجىمنىڭ باسشىلىعىنا ب ا ق سالاسىندا 20 جىلداي قىزمەت ەتكەن، بەلگiلi جۋرناليست وتەعالييەۆ دوسىمبەكتi تانىستىردىم. راديولاردىڭ باسشىسىنا ءبىرقاتار تاپسىرما جۇكتەدىم، باستى ماقسات قازاق راديوسىمەن شالقار راديوسىنىڭ رەيتينگتەرiن بiرiنشi ورىندارعا شىعارىپ، تىڭدارمانداردىڭ سانىڭ كوبەيتۋ. ساتتىلىك تىلەيمىن!»، - دەپ جازدى ول وزگەرىستەر تۋراسىندا.

دوسىمبەك وتەعالييەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن (1999) جۋرناليست ماماندىعى بويىنشا بىتىرگەن جانە وسى ۋنيۆەرسيتەتتىڭ وسى ماماندىق بويىنشا ماگيستراتۋراسىن (2001) ءتامامداعان.

1997-2001 جىلدارى - «شاحار» ترك تەلەراديوحابارلارىنىڭ جۇرگىزۋشىسى.

2000 جىلدان - «يۋجنايا ستوليسا» ترك ءجۋرناليسى جاڭالىقتار جۇرگىزۋشىسى.

2001-2004 جىلدارى - «حابار» اگەنتتىگىنىڭ جاڭالىقتار جۇرگىزۋشىسى جانە پروديۋسەرى.

2005 جىلدان - «31 ارنا» ترك «ينفورمبيۋرو» باعدارلاماسىنىڭ جۇرگىزۋشىسى، شىعارۋشى رەداكتورى.

2008 جىلدان - «الماتى» ترك اقپاراتتىق-تالداۋ باعدارلامالارى ديرەكسياسىنىڭ ديرەكتورى، 2009 جىلدان –اتالعان تەلەارنانىڭ پروديۋسەرءى.

2010 جىلدىڭ قاڭتار ايىنان بەرى - «زاڭ» مەديا-كورپوراسياسى» ج ش س پرەزيدەنتى قاتارلى قىزمەتتەردى اتقارعان.