انكاراداعى رەسەي ەلشىسىنىڭ ولىمىنەن كەيىن ترامپ توسىن مالىمدەمە جاسادى.
ەسكە سالساق، اندرەي كارلوۆتى اتىپ ولتىرگەن جەندەت «ميسسياسىن ورىنداعاننان» كەيىن «اللاھۋ اكبارلاپ «سيرياداعى ادامداردى بومبالاپ جاتقان رەسەيدەن كەك العانىن» ايتىپ ۇرانداپ ەدى.
ترامپ وسىنداي قاتىگەز جاعدايدان كەيىن مۇسىلمانداردىڭ اقش-قا كىرۋى تۋرالى پىكىرىن سۇراعان جۋرناليستەرگە «مەنىڭ جوسپارلارىمدى باياعىدان بەرى بىلەسىزدەر، ايتقانىم ايداي كەلدى. بولعان جاعدايلاردان كىسى ۇيالادى» دەدى.
ايتا كەتسەك، ترامپ سايلاۋ الدى كومپانياسىندا اقش-قا مۇسىلمانداردى كىرگىزبەيتىنىن ايتىپ، الەمدە ءدۇمپۋ تۋعىزعان ەدى.
كەيىننەن ترامپ، ايتقانىنان ءسال عانا جۇمسارىپ، تەررورمەن اتاۋى بايلانىسقان جانە قاۋىپسىزدىك باقىلاۋى مۇمكىن بولماعان ەلدەن كەلگەن ادامداردى ەلگە كىرگىزبەۋگە پىكىرىن وزگەرتكەن.
ترامپ دۇيسەنبى كۇنى بولعان بەرليندەگى تەررورلىق ارەكەتكە بايلانىستى دا جازبا مالىمدەمەسىندە: «دايش جانە باسقا دا ميليتاريستىك يسلامشى توپتار ءۇشىن «ءوز جاھاندىق جيحادتارى اياسىندا ىلعي دا حريستيانداردى ءومىر سۇرگەن جەرلەرى مەن قۇلشىلىق ورىنداردا ءولتىرىپ جاتىر» دەگەن بولاتىن.
ءبىراق، كەشە جاساعان مالىمدەمەسىندە حريستياندارعا بايلانىستى قولدانعان ءسوزىن ەمەس، «بۇلار ادامگەرشىلىككە قارسى جاسالعان شابۋىلدار جانە قالايدا توقتاتىلۋعا ءتيىس» دەگەن.
اقش بيلىك وكىلدەرى ترامپتىڭ اۋەلگى سوزىنەن مۇسىلماندار اراسىندا باتىسقا قارسى كەكتەنۋ تۋىنداۋىنان الاڭداپ، مۇسىلمان قاۋىمىنىڭ زورلىق-زومبىلىققا قارسى كۇرەسىندە باتىسپەن ارىپتەستىگىنىڭ بوساڭسۋىنا الاڭداۋشىلىق تانىتتى.
پىكىر قالدىرۋ