ەندى كونكيمەن سىرعاناق تەبۋدىڭ اۋەسقويلارى «وڭاي» كارتالارىن «مەدەۋ» مۇز ايدىنىنا كىرۋدىڭ تولەمىن تىركەۋ ءۇشىن تۋرنيكەتتىڭ وزىندە قولدانا الادى. مۇز ايدىنىنا كىرۋ بيلەتتەرىنىڭ قۇنى وزگەرگەن جوق: ءبىرىڭعاي كولىك كارتاسىمەن - 1800 تەڭگە، ستۋدەنتتىڭ كولىك كارتاسىنا «جاستار» ءتاريفى قولدانىلادى (13 پەن 23 جاس ارالىعى) – 800 تەڭگە، وقۋشىنىڭ كولىك كارتاسىنا «بالالارعا ارنالعان» تاريف قولدانىلادى (7 پەن 12 جاس ارالىعى) – 400 تەڭگە.  

مۇز ايدىنىنا كىرەر الدىندا باقىلاۋشى جاسىن تەكسەرۋ ءۇشىن جەكە باسىن كۋالاندىراتىن قۇجاتتى (جەكە كۋالىك، جۇرگىزۋشى قۇجاتى نەمەسە ءتولقۇجاتىن) نەمەسە جەڭىلدىكپەن جول ءجۇرۋدى راستايتىن باسقا دا قۇجاتىن تەكسەرۋ ءۇشىن سۇراۋعا قۇقىلى.

«وڭاي» برەندى قوعامدىق كولىكتە جول اقىسىن تىركەۋ مۇمكىندىگىنەن باسقا دا جاڭا مۇمكىندىكتەرگە جول اشۋدا.

مەدەۋگە كىرۋ ءۇشىن «وڭاي» كارتاسىنىڭ قولدانۋشىلارى كاسساعا بارماي-اق، بىردەن «وڭاي» بەلگىسى بار تۋرنيكەتكە كەلىپ، كارتالارىن ساناعىش قۇرىلعىعا  جاقىنداتۋ كەرەك.

كارتاسىنىڭ تەڭگەرىمىن تولتىرىپ ۇلگەرمەگەن قولدانۋشىلار ءۇشىن «مەدەۋ» كاسساسىنىڭ جانىندا «QIWI» تەرمينالى ورناتىلعان. سونىمەن قاتار، كارتانىڭ تەڭگەرىمىن قازاقستاننىڭ كوپتەگەن بانكتەرىنىڭ ينتەرنەت-پورتالدارى ارقىلى جانە Onay.kz. سايتىندا كورسەتىلگەن باسقا دا قىزمەت تۇرلەرى ارقىلى تولتىرۋعا بولادى.

«مەدەۋ» مۇز ايدىنى» - الماتى قالاسىنىڭ ۆيزيت كارتوچكاسىنا اينالعان جانە قالا تۇرعىندارىنىڭ قىس مەزگىلىندەگى بوس ۋاقىتتارىن وتكىزەتىن سۇيىكتى ورىندارىنىڭ ءبىرى. ءبىز ءۇشىن ءاربىر قولدانۋشىعا قولايلى جاعداي جاساۋ ماڭىزدى، سوندىقتان دا ءبىز زامان تالابىنا ساي جۇرۋگە تىرىسامىز. كارتامەن كىرۋ - تولەمدى تىركەۋدىڭ ەڭ ىڭعايلى جانە وڭاي ءتاسىلى بولىپ تابىلادى جانە بۇنى قولدانۋشىلار لايىقتى باعالايدى دەپ سەنەمىز»، - دەپ اتاپ ءوتتى  «مەدەۋ» مۇز ايدىنىنىڭ باسقارۋشى ديرەكتورى باكىتجان كەنجەگالييەۆ.

ءوز كەزەگىندە «وڭايPay» ج ش س ديرەكتورى الەكساندر زايكين ەلەكتروندى بيلەتتەندىرۋ جۇيەسىنىڭ ارى قارايعى دامۋ قارقىنى تۋرالى ايتىپ ءوتتى.

«وڭاي» جۇيەسى جوسپارلى تۇردە دامىپ كەلەدى. ءبىز بۇگىنگى تاڭدا ءبىزدىڭ كارتامىز ارقىلى تەك قوعامدىق كولىكتەر مەن مەترودا عانا ءجۇرىپ قويماي، مەدەۋگە كىرۋ سياقتى كولىكتىك ەمەس قىزمەتتەرگە دە تولەم جاساۋ مۇمكىندى جاسالعانىنا قۋانىشتىمىز. ءبىز ارى قاراي دا الماتىلىقتار ءۇشىن جانە وڭتۇستىك استانامىزدىڭ قوناقتارى ءۇشىن وڭاي جانە ىنتىماقتاسقان تولەم تاسىلدەرىن ۇسىنا وتىرىپ،  «وڭاي» كارتاسىنىڭ تولەم تىركەلىمى مۇمكىندىكتەرىن بەلسەندى  تۇردە ارى قاراي دا دامىتۋدى جوسپارلاپ وتىرمىز»، - دەدى.

2016 جىلدىڭ 25 جەلتوقسانىنا قالامىزدىڭ بارلىق تۇرعىندارى مەن قوناقتارىن شاقىرامىز! سىزدەردى اۋەزدى اۋەن، بايقاۋلار جانە باسقا دا كوپتەگەن توسىن سىيلار كۇتۋدە!

 «وڭاي راۋ» ج ش س