تاياۋدا "نيۋ" مانەرىندە سۋرەتكە تۇسىرۋگە ماماندانعان پولياك فوتوگرافى يان ماكلاين الماتىعا كەلىپ، فوتوسەسسيا جاساعان بولاتىن. وسىدان كەيىن قازنەتتە داۋ شىقتى. الەۋمەتتىك جەلى قولدانۋشىلارى بۇل ونەردىڭ "قازاقستان حالقىن ماسقارالايتىنىن"  ايتىپ، سىناعان ەدى دەپ حابارلايدى kaz.tengrinews.kz

ال فوتوگراف ءوز سۇحباتىندا تۋىندىلارىنا قاتىستى ايتىلعان سىنمەن كەلىسپەيتىنىن جەتكىزدى. ياننىڭ ايتۋىنشا، ينتەرنەتتەگىلەر ەكى وقيعانى شاتاستىرىپ العان، ولاردىڭ ءبىرى "قازاقستان ارۋلارى-2017" كۇنتىزبەسىنىڭ تۇسىرىلىمدەرى ەكەن دە، ەكىنشىسى الماتىدا فوتوگرافتارعا ارنالعان شەبەرلىك ءدارىسى ەكەن.

ءىرى فورماتتاعى كۇنتىزبەگە قازاقستاندىق 13 قىز قاتىستى. ولاردىڭ كوبى تانىمال. كەيبىر مالىمەت بويىنشا، اكتريسالار گۇلنارا سىلبايەۆا، جانيا جۋرينسكايا، گۇلناز جولانوۆا، بيبىگۇل سۇيىنشالييەۆا جانە تاعى دا باسقالار تۇسكەن.

كۇنتىزبەدە جالاڭاش قىزدار جوق. "جوبانىڭ ماقساتى - قازاقستان قىزدارىن اسىل قازىنا ەتىپ كورسەتۋ"، - دەيدى ماكلاين.

ال شەبەرلىك دارىسىنە قاتىستى فوتوگراف جالاڭاش مودەلدەردى تۇسىرگەنىن ايتادى. "ءتۇسىرىلىم جۇمىستارىنا پورتفوليوسىندا وسىنداي مانەردە تۇسكەن سۋرەتتەرى جانە وسى مانەردە ءتۇسۋ تاجىريبەسى بار مودەلدەردى عانا شاقىرامىن، - دەيدى يان. - جالاڭاش دەنە مىڭداعان جىلدان بەرى ونەردە قولدانىلىپ كەلەدى، مۇندا ۇيات دۇنيە كورە الماي وتىرمىن. فوتوگرافيادا "نيۋ" دەگەن جانر بار، مودەلدەر بار، ولارعا ءوز كاسىپتەرى ۇنايدى".  

"قازاقستان كوپۇلتتى ەل، حالقىنىڭ ونەرگە، فوتوگرافياعا، ومىرگە دەگەن كوزقاراستارى دا ءارتۇرلى. بارلىعىن بىردەي قىلۋدىڭ قاجەتى جوق. ونەرىمە جوعارى باعا بەرەتىن قازاقتار دا كوپ، ولاردىڭ كوبى "نيۋ" مانەرىندەگى فوتوگرافيامەن اينالىسادى. قازنەتتە داۋ شىققان كەزدە قازاقستاندىقتاردان كوپتەگەن حات كەلدى. جۇزدەگەن ادام قولداۋ كورسەتتى. ەكى ادام عانا جاعىمسىز پىكىر جازىپتى. قازاقستان - تاماشا ەل، قىزدارىڭىز وتە ادەمى، وسى سۇلۋلىقتى الەمگە كورسەتۋ ءۇشىن تاعى دا كەلەمىن"، - دەيدى فوتوگراف.