شىمكەنتتە بۇگىن وبلىستىق پروكۋراتۋرانىڭ الدىندا قالانىڭ 46 جاستاعى تۇرعىنى نۇركەن اينابەكوۆ نارازىلىق تانىتىپ ءوز-وزىن ورتەدى دەپ حابارلايدى azattyq.org
وقيعا ساعات 15:30 شاماسىندا بولعان. ورتەنگەن ادامدى جەدەل جاردەم قىزمەتى الىپ كەتكەن. قالالىق جەدەل جاردەم قىزمەتىنىڭ كەزەكشىسى نۇركەن اينابەكوۆ ەسىمدى ازاماتتىڭ دەنەسىن كۇيىك شالىپ تۇسكەنىن راستادى.
وبلىستىق پروكۋراتۋرانىڭ باسپا ءسوز قىزمەتىنەن بۇل اقپاراتتى راستاۋ مۇمكىن بولماي تۇر.
نۇركەن اينابەكوۆ كەشە شىمكەنتتە بريفينگ وتكىزىپ، جەكە قۇرىلىس فيرماسىنىڭ قالادا الەۋمەتتىك نىساندى سالعانىن، ول ءۇشىن جەرگىلىكتى بيلىكتەن ءتيىستى قارجىسىن الا الماي وتىرعانىنا شاعىمدانعان.
