قاراعاندىلىق پوليسەيلەر قايتىس بولعان ەكى جاسار قىزىنىڭ ءمايىتىن اتا-اناسى پەشكە جاعىپ جىبەرگەن دەپ كۇدىكتەنگەن بولاتىن. كۇدىكتىلەر ءوز كىناسىن مويىندادى دەپ حابارلايدى today.kz، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

قازىبەك اۋداندىق سوت باسقارماسى ەرلى-زايىپتىلاردى تۇرمەگە قاماۋ جايلى ۇكىم شىعاردى.

تەرگەۋدى جۇرگىزۋ بارىسىندا، 2016 جىلدىڭ اقپان ايىندا ەرلى-زايىپتىلار ايازدا ءولىپ قالعان قىزدارىنىڭ ءمايىتىن پەشتە ورتەپ جىبەرگەن.

«ەر ادام قاراعاندى مەن ۇشتوبە اۋىلىنىڭ اراسىنداعى ۇزاق جولمەن ەكى جاسار قىزىمەن بىرگە ايدالادا كەلە جاتقان. كىشكەنتاي قىزى شارشاپ، ارتتا قالىپ قويا بەرگەندىكتەن، ونى دالاعا تاستاپ كەتىپ قالعان. سول ءتۇنى ءبۇلدىرشىن ايازدا ءۇسىپ ولگەن. كەلەسى كۇنى قىزدىڭ اتا-اناسى ونى تاستاپ كەتكەن جەرگە كەلىپ، ءولى جاتقان قىزدارىنىڭ ءمايىتىن تاۋىپ العان. مويىندارىنا جاۋاپكەرشىلىكتى الۋعا قورىققان ولار ۇيلەرىنە كەلىپ قىزدارىنىڭ ءمايىتىن پەشكە جاعىپ جىبەرگەن»، - دەپ مالىمدەدى اقپارات كوزدەرى.  

پوليسيا مەن الەۋمەتتىك قىزمەتكەرلەر جوعالىپ كەتكەن قىزعا قاتىستى تەرگەۋ جۇرگىزىپ، ونىڭ اتا-اناسىن تاۋىپ العان. ول كەزدە قىزدىڭ اناسى ەكىنشى بالاسىن بوسانىپ جاتقان ەكەن، ءقازىر ول بالاعى التى اي تولىپتى.

كىشكەنتاي بالالارىنىڭ بولعانىنا قاراماستان، قازىبەك اۋداندىق سوتى ەرلى-زايىپتىلاردى باس بوستاندىعىنان ايىرۋ جايلى شەشىم قابىلداعان. كىشكەنتاي ءبۇلدىرشىن الەۋمەتتىك قىزمەتكەرلەردىڭ قاراماعىنا ءوتىپ، جەتىمدەر ۇيىنە تاپسىرىلدى.