ەسىكتە جىبەك مۋسينانى زورلاعاندارعا قاتىستى سوت شەشىمىن قايتا قاراۋدى سۇراپ ءبىر توپ ادام زاڭسىز ميتينگىگە شىقتى دەپ حابارلايدى nur.kz. ولار سوتتالعانداردىڭ تۋىستارى، دوستارى، كورشىلەرى مەن تانىستارى ەكەن. اۋىل مەشىتىندە وتكەن ميتينگىگە جەرگىلىكتى اكىم بولات جاقسىبايەۆ كەلىپ، جينالعان قىرىق شاقتى ادامعا قوعامدىق ءتارتىپتى بۇزىپ وتىرعانىن تۇسىندىرۋگە تىرىسقان.

زاڭسىز ۇيىمداستىرىلعان ميتينگىگە پوليسەيلەردە كەلدى. ولار جينالعانداردى ۇيىنە قايتۋعا شاقىردى. توپ ىشىندە ءىستى قايتا قاراماسا ءوزىن ورتەيتىنىن ايتقاندار دا بولدى.  

سوتتالعانداردىڭ ءبىرى الماس ەرمەكوۆتىڭ اناسى، سوتتىڭ نەلىكتەن جىبەك مۋسينانىڭ پايداسىنا شەشىلگەندىگىنە قاتىستى ءوز ويىن ءبىلدىردى.

«نە مولچي.kz» («ۇندەمە.kz») قوزعالىسى باتىستان قارجىلاندىرىلادى. ول تىرناقشانىڭ ىشىندە فەمينيزمدى دارىپتەيدى. قازاقستاندا ونى پروديۋسەر دينا ءتاڭسارى باسقارادى. ول 20 جىل بۇرىن توپپەن زورلاۋدىڭ قۇربانى بولعانىن ايتقاننان كەيىن «نە مولچي.kz»-كە جاڭا «قۇرباندار» كەرەك بولدى جانە 4 جىگىت قۇربان بولدى دا. ءتاڭسارى كاسىبي تۇردە «زورلاۋشىلارعا» قارسى اقپاراتتىق كومپانيا ۇيىمداستىردى. ولاردىڭ ەسىمدەرى مەن فوتولارى دا جاريالاندى» دەيدى ول.

ەسىك قالاسىنىڭ تۇرعىنى جىبەك مۋسينانى 4 جىگىت زورلاپ، ايىپتىلار سوتتالىپ كەتكەنىن ەسكە سالامىز.