ياكۋتياداعى 3-جاسار كارينا چيكيتوۆا كورشى اۋىلدا تۇراتىن اكەسىنە بارماقشى بولادى. ول ءۇشىن قالىڭ ورمان اراسىنان وتۋگە تۋرا كەلەدى، ءبىراق اناسى ۋايىمدامايتىن – كىشكەنتاي قىز بۇل جولدى وڭاي وتكەرەتىن.
سولاي بولدى دا، ءبىراق قىز كورشى اۋىلداعى ۇيدەن اكەسىن كەزدەستىرمەگەندىكتەن، كارينا اكەسىن ىزدەۋگە ورمانعا بارادى. ءتىپتى، ۇلكەن ادامداردىڭ ءوزى ەشقاشان بۇل ورمانعا قارۋسىز كىرمەگەن. ارينە، ورمان ىشىندە قاسقىر مەن ايۋدىڭ قاپتاپ جۇرەتىنى تۇسىنىكتى.
كارينا ۇيىنە بىرنەشە ساعاتتان كەيىن ورالماعاندىقتان، اتا-انالارى ونىڭ ءومىر مەن ءولىم اراسىندا ەكەنىنە كوزى جەتەدى. اكەسى مەن اناسىنىڭ بالانى تابۋعا ۇمىتتەرى قالماعان سوڭ، كىنالى سەزىنىپ، وزدەرىن جازعىرا باستايدى.
ادامدار توپ قۇرىپ، ىزدەۋگە كىرىسەدى، الايدا ەش ناتيجەسىز بولادى. 10 كۇن وتكەن كەزدە اتا-اناسى جامان ويلارعا بەرىلە باستايدى. 11ء-شى كۇنى قىزدىڭ ءيتى ۇيگە كەلگەن كەزدە ءبارى وزگەرەدى.
قۇتقارۋشىلار قىز ورماندا ءولىپ قالعان سوڭ، يت قىزدى تاستاپ، ۇيگە كەلدى دەپ ويلايدى. ءبىراق، يت ۇيگە كىرگەن سوڭ، قايتادان قالىڭ ورمانعا قاراي جۇگىرە باستايدى. اتا-اناسى ارتىنان ەرۋ كەرەكتىگىن بىردەن ۇعادى.
يتپەن بىرگە بىرنەشە شاقىرىمدى وتكەرگەن سوڭ، قۇتقارۋشىلار ۇزىن شوپتەردىڭ اراسىنان كىشكەنتاي قىزدى كورەدى. كارينا ءتىرى ءارى ساپ-ساۋ، ءبىراق ولارعا شوشىنىپ قالعان كوزدەرىمەن قارايدى.
قىزدىڭ ابدەن قارنى اشىپ، السىرەپ قالعان، سۋىقتاپ قالعانى تاعى بار، ءبىراق اقىل-ەسى ءتۇزۋ ەكەن. كارينانى ۇيدە اتا-اناسى كۇتىپ وتىردى. كەيىننەن قىز امان قالۋ ءۇشىن قالاي جەمىس-جيدەكپەن قورەكتەنگەنىن، جاپىراقتار مەن شوپتەردى جەگەنىن ايتىپ بەرەدى.
ناعىز باتىر! قىزدىڭ باتىل ءيتى جولىندا كەزدەسكەن قاسقىر مەن ايۋلاردى ءۇرىپ، ۇركىتىپ وتىرعان. ولار ۇيىنە ورالعانعا دەيىن ۇزاق ون كۇن بويى بىر-بىرلەرىن جىلىتىپ كۇن كورگەن.
كارينا چيكيتوۆانىڭ ءيتىنىڭ ارقاسىندا بۇل وقيعا جاقسى اياقتالدى. ءتورتاياقتى باتىل دوسقا قۇرمەت كورسەتۋ ءۇشىن ياكۋتيانىڭ تۇرعىندارى وعان ەسكەرتكىش ورناتتى. بۇل دوستىق، ادالدىق پەن سۇيىسپەنشىلىكتى دارىپتەيدى.
قازىرگى تاڭدا كىشكەنتاي كارينا تولىعىمەن وز-وزىنە كەلدى. ادال دوسى ءالى دە وزىمەن بىرگە جانىندا.
ال، مىناۋ قۇتقارۋ وپەراسياسىنىڭ ۆيدەوسى:
