«قازاقستان بارىسى» قازاق كۇرەسىن دامىتۋ قورى قامقورلىق كەڭەسىنىڭ ءتوراعاسى ارمان شۋرايەۆ ءوزىنىڭ «Facebook» پاراقشاسىندا بەلگىلى جۋرناليست سەرگەي پوناماريەۆتىڭ بالاسى گلەب پونوماريەۆ دومبىرا مەن گيتارانى ۇندەستىرگەن ۆيدەوسىن جاريالادى. سونىمەن قاتار گلەب پونوماريەۆ ەسىمدى جىگىتكە قازاقتىڭ ۇلتتىق اسپابىن ءوزى سىيعا تارتقانىن دا جازعان.
«بىرنەشە جىل بۇرىن گلەب پونوماريەۆكە دومبىرانى سىيعا تارتۋ قۇرمەتىنە يە بولدىم. ەندى جەمىسىن كورىپ جاتىرمىن.
سەرگەي پونوماريەۆ، اكەگە ەڭ ۇزدىك ەسكەرتكىش ول ونىڭ بالاسى! سەنى دە قۇتتىقتايمىن!» دەپ جازدى ارمان شۋرايەۆ.
