كيم دە اتتا ەسىمدى بريتاندىق ايەل سيرەك كەزدەسەتىن اۋرۋمەن اۋىرادى. ونىڭ سىمسىز ينتەرنەتكە جانە ۇيالى بايلانىس ورناعان جەلىلەرگە اللەرگياسى بار. ونىڭ 3G ۇستايتىن اۋماقتاردا باسى قاتتى اۋىرا باستايدى. دە اتتا ارنايى تورمەن قورشالعان ۇيىنەن شىقپاۋدى دۇرىس سانايدى، دەپ حابارلايدى Metro.

ەلەكتروماگنيتتىك تولقىندارعا اللەرگياسى بار بۇرىنعى مەدبيكە ۇيدەن شىعۋ ءۇشىن ارنايى قالقالاۋ شلەمدەرىن كيۋگە ءماجبۇر. وسى اۋرۋى ءۇشىن وعان ەكى مارتە تۇرعىن ءۇيىن اۋىستىرۋعا، بايلانىس جەلىلەرى ۇستامايتىن جاققا كوشۋگە تۋرا كەلگەن.

«كوپ ادامدار مەنى ەسىنەن الجاسقان دەپ ويلايدى. ولار مەنىڭ قانداي كۇي كەشىپ جۇرگەنىمدى ەلەستەتە المايدى»، – دەپ مالىمدەدى دە اتتا.

كيم 16 جاسىنان بەرى ەلەكتروماگنيتتىك تولقىندارعا اللەرگيادان زارداپ شەگىپ كەلەدى. ول لوندوندا تۇرىپ، ءوزىن ۇنەمى ناشار سەزىنەتىن.  

مۇنداي ماسەلەمەن قيىندىق كورەتىن تەك بريتاندىق عانا ەمەس. بۇعان دەيىن 2015 جىلى امەريكالىق وقۋشى قىز Wi-fi ساۋلەلەرىنەن ەندىگى كۇرەسە المايتىنىن ايتىپ، وز-وزىنە قول جۇمساعان بولاتىن.