جوعارى سوتتىڭ اپەللياسيالىق ينستانسياسى توقتار تولەشوۆ پەن ءىستىڭ وزگە فيگۋرانتتارىنا قاتىستى قىلمىستىق ءىستى قارادى، - دەپ حابارلايدى Tengrinews.kz ءتىلشىسى ق ر جوعارعى سوتىنىڭ باسپا ءسوز قىزمەتىنە سىلتەمە جاساپ. 

"ءىس اپەللياسيالىق ينستانسياعا ي.ج. باقتىبايەۆ، س.ۆ.كولتاكوۆ، ب.س.جۇمين مەن ك.ك.پەرنەبايەۆا، سوتتالۋشىلاردىڭ قورعاۋشىلارى -  تولەشيەۆتىڭ مۇددەسىن قورعايتىن م.ا.جاقىپوۆا، باقتىبايەۆتىڭ مۇددەسىن قورعايتىن س.س.حاميدۋلينا، دوسقالييەۆتىڭ مۇددەسىن قورعايتىن ي. ۆ. سپيريدونوۆا، سوتتالۋشى پەرنەبايەۆتىڭ مۇددەسىن قورعايتىن ا.ا.ابلابەكوۆانىڭ شاعىمدارى كەلىپ ءتۇستى"، - دەپ اتاپ ءوتتى سوتتتىڭ باسپا ءسوز قىزمەتىنىڭ وكىلدەرى.

اپەللياسيالىق سوت القاسىنىڭ قاۋلىسىمەن  ب.س.جۋمين، ك.ك.پەرنەبايەۆ پەن ك.ا.ىسقاقوۆقا قاتىستى اۋدانارالىق قىلمىستىق ىستەر جونىندەگى ارنايى سوتىنىڭ ۇكىمى راقىمشىلىق اكتىنە بايلانىستى وزگەرتىلدى.

"سوتتالۋشى ب.س.جۋمين مەن ك.ك.پەرنەبايەۆتىڭ وتەلمەگەن مەرزىمى ق ر 2016 جىلدىڭ 13 جەلتوقسانىنداعى "قازاقستان رەسپۋبيۋليكاسىنىڭ جيىرما بەس جىلدىعىنا وراي راقىمشىلىق جاساۋ تۋرالى" زاڭىنىڭ 4-بابىنىڭ 2-تارماعى نەگىزىندە تورتتەن بىرىنە قىسقارتىلدى. سوتتالۋشى ك.ا.ىسقاقوۆ "قازاقستان رەسپۋبيۋليكاسىنىڭ جيىرما بەس جىلدىعىنا وراي راقىمشىلىق جاساۋ تۋرالى" زاڭىنىڭ 2-بابىنىڭ 3-تارماعىنىڭ 2-تارماقشاسى نەگىزىندە جازاسىن وتەۋدەن بوساتىلدى. جازانىڭ باسقا تۇستارى وزگەرىسسىز قالدى"، -دەلىنگەن سوت حابارلاماسىندا.

اپەللياسيالىق ينستانسيا توقتار تولەشوۆتىڭ ادۆوكاتى بەرگەن شاعىمدى قاناعاتتاندىرمادى. سوتتالعان بيزنەسمەنگە قاتىستى جازا سول كۇيىندە قالدى.