تالاناتتى ءفوتوتىلشى سارسەنبەك قىزايبەك ۇلى 1980 جىلى 13ساۋىردە دۇنيە ەسىگىن اشتى. كىندىك كەسكەن جەرى اسقارى اسپانمەن تىلدەسكەن ءحانتاڭىرىنىڭ  ارعى بەتىندە، حاس باتىر قابانباي مەن تۇلپارى تىنىققان اتتىڭ تاۋى. كيەلى ولكەنىڭ ىزدەنىمپاز پەرزەنتى پەكتەپ قابىرعاسىندا جۇرگەندە-اق فوتو ونەرىنىڭ تىزگىنەن جابىسىپ، جالىنان ۇستاپ، قامشىلاندى. تىرناق الدى  تۋىندىلارى ولكەلىك، وبلىسىتىق «شىڭجاڭ گازەتى»، «ىلە ورەندەرى» گازەتتەرىندە جارىق كوردى، ءوزى «ورەندەر» گازەتىنىڭ «تاڭداۋلى ءتىلشىسى» اتاعىنا يە بولدى. سارسەنبەكتىڭ اۆتورلىعىمەن جارىق كورگەن سۋرەتتى حابارلار وبلىس، اۋدان دەڭگەيىندەگى باسىلىمدار مەن باسقادا مەكەمەلەر تاراپىنان جوعارى باعالانىپ، ماراپاتتالدى.

 اتاجۇرقا ات باسىن ءبىرجولا بۇرۋدى ارمانداعان ونەرلى ازامات 2001 جىلى وتانعا ورالدى. ول ءوز ومىرىندەگى ەڭ بيىك ماقساتىنا 2003 جىلى قول جەتكىزىپ، ت.جۇرگەنوۆ اتىنداعى قازاق ۇلتتىق ونەر اكادەمياسىنا «كينو جانە تەليەۆيزيا وپەراتورى» ماماندىعىنا قابىلدانىپ، 2007 جىلى تامامدادى. ستۋدەنت شاعىندا بويدا بار ونەرىن ودان ارى شىڭداي ءتۇستى، سونىڭ ناتيجەسىندە تۇركيادان ءۇش تىلدە جارىق كورگەن «قازانات» اتتى فوتوكىتاپتىڭ باسىم كوپ ساندى سۋرەتتەرىن ءتۇسىرىپ، قالىڭ جۇرتتىڭ كوزايىمىنا اينالۋىنا ەسەلى ەڭبەك ءسىڭىردى. «قىران» فەدەراسياسى شىعارعان «قازاق قۇسبەگىلەرى» اتتى سۋرەتتى كىتاپقا دا كوپتەگەن كوركەم تۋىندىلارى ەنگىزىلدى.

 اكادەميا قابىرعاسىندا ءبىلىمىن جەتىلدىرە ءجۇرىپ «المىتى – مەنىڭ سۇيىكتى قالام» اتتى فوتوتىلىشلەر بايقاۋىنىڭ ءۇش دۇركىن جەڭىمپازى اتاندى، وسىلايشا ول اسەم قالامىزدىڭ ايشىقتى اجارىن بارشاعا پاش ەتتى. سارسەنبەك ەڭبەك جولىن 2004 جىلى حالىقارالىق «قازاق ەلى» گازەتىنەن باستادى، ىلگەرىندى-كەيىندى «جۇلدىزدار وتباسى»، «اقيقات» قاتارلى جۋرنالداردا كاسىبي شەبەرلىگىن كورسەتە ءبىلدى. 2008 جىلدان بەرى «الماتى اقشامى» گازەتىندە ءفوتوتىلشى قىزمەتىن اتقارىپ كەلەدى. گازەت جۇمىسىنىڭ ساپالىق دەڭگەيىن كوتەرۋگە ايانباي ۇلەس قوسىپ كەلە جاتقان سارسەنبەكتىڭ قول جەتكىزگەن جەتىستىكتەرى دە از ەمەس. بىرنەشە فوتوبايقاۋلاردىڭ جەڭىمپازى، رەسپۋبليكالىق باسىلىمداردا ۇزبەي ۇزدىك تۋىندىلارى جارىق كورۋمەن قاتار، ءۇش تىلدە دايىندالعان ەتنوگرافيالىق «بۇركىت» فوتوكىتاپقا دا ءبىرقاتار سۋرەتتەرى ەندى. ەل تاۋەلسىزدىگىنىڭ 20 جىلدىعى قارساڭىندا وتكىزىلگەن «تاۋەلسىزدىك تاعىلىمى» اتتى حالىقارالىق فوتوكورمەگە 20 عا تارتا سۋرەتى قويىلىپ، كورمەن نازارىنا ۇسىنىلىپ، العىسىنا يە بولدى. ارمانى اسقاق، تالابى تاۋداي تالعامپاز ءفوتوتىلشىنىڭ الدا الار اسۋى مەن باعىندىرار بيىگى، جەتەر جەتىستىگىنىڭ مول ەكەنىنە سەنىمدىمىز. قازاق فوتوونەرىنىڭ جاڭا قىرىنان جاندانۋىنا ۇلەس قوسۋعا نيەتتەنگەن ازاماتقا ساتتىلىك تىلەيمىز!!!