قازاقستاندىق كاسىپقوي بوكسشى قانات يسلام ءوزىنىڭ 18-جەكپە-جەگىن وتكىزىپ، كولۋمبيالىق  قارسىلاسىن 5 راۋندتا سۇلاتىپ سالدى. بۇل تۋرالى قازاقپارات senkazakh.com سايتىنا سىلتەمە جاساپ حابارلادى.

قاناتتىڭ كەزەكتى جەكپە-جەگى 7 تامىز كۇنى كولۋمبيانىڭ پورتتى قالاسى باررانكيليادا وتكىزىلدى. بۇل - قاناتتىڭ لاتىن امەريكاسى چەمپيوندىق بەلگىسىن 2-رەت قورعاۋى. ەستەرىڭىزگە سالا كەتەيىك، كولۋمبيالىق فيدەل مانتەرروسا مەن قانات يسلامنىڭ كەزدەسەتىنى جايلى بۇعان دەيىن حابارلاعان بولاتىنبىز. ول وسى ايقاسىنا دەيىن 43 كەزدەسۋ وتكىزىپ، ونىڭ 32ء-سىن ءوز پايداسىنا شەشكەن. 26 رەت جەكپە-جەگىن مەرزىمنەن بۇرىن اياقتاسا، 9 كەزدەسۋىندە جەڭىلىپ، 1 كەزدەسۋدە تەڭ تۇسكەن. مىنە كەزەكتى باسەكەسىندە قاناتتىڭ سوققىسىنا توتەپ بەرە المادى.

ال قانداسىمىز وسىعان دەيىن 17 كەزدەسۋ وتكىزىپ ونىڭ بارىندە جەڭىسكە جەتكەن. ونىڭ 14ء-ىن مەرزىمىنەن بۇرىن اياقتاعان. بۇگىن 18-جەڭىسىنە قول جەتكىزدى. سونىمەن قاتار، بۇل - ونىڭ 15ء-شى نوكاۋتى.

قامشى-اقپارات