كەلەر جىلى قازاقستاندا ۇلتتار مەن ۇلىس وكىلدەرىنىڭ ادەت-عۇرپى مەن بىرلىگىن ناسيحاتتايتىن رەسپۋبليكالىق جاڭا تەلەارنا اشىلادى. ەتنوسارالىق تەلەارنا اشۋ يدەياسىن قازاقستانداعى تاتار-باشقۇرت قاۋىمداستىعىنىڭ وكىلدىگى ۇسىندى، - دەپ حابارلادى Tengrinews.kz.

تاتار-باشقۇرت قاۋىمداستىعىنىڭ اتقارۋشى ديرەكتورى رينات ابدۋلحاليكوۆ: "ەرتەرەكتە ءبىز قىرعىزستان، وزبەكستان، تۇركيا مەن ارمەنيانىڭ تەلەارنالارىن كورەتىنبىز. سول ۋاقىتتاردا وزگە ۇلتتاردى تانۋعا مۇمكىندىگىمىز بار ەدى. جانە سول كەزەڭ وتە قىزىقتى ءوتتى ءبىز ءۇشىن.  ءقازىر كابەلدى پاكەتتەگى BBC، CNN نەمەسە Deutsche Welle سەكىلدى تەلەارنادا كورسەتىلگەن حابارلار عالامدىق دەڭگەيدە بولعاندىقتان، ءبىز ءۇشىن ول مۇلدە تۇسىنىكسىزدەۋ بولىپ تۇر”، - دەيدى.  ەتنومادەني بىرلەستىكتەرىنىڭ وكىلدەرى ءبىز ءبىر-بىرىمىز تۋرالى تىم از بىلەمىز، الايدا ءار ۇلتتا ءوزىنىڭ ابايى، ءوزىنىڭ شوقان ۋاليحانوۆى بارى انىق دەپ ەسەپتەيدى. بۇل تۋرالى ابدۋلحاليكوۆ ءسوزىن ساباقتاپ: "قازاقستان كوپۇلتتى مەملەكەت دەپ ايتامىز. ال ەفيرلەردە سول ءتۇرلى ۇلتتار مەن ۇلىستار تۋرالى كورسەتىلىپ جاتىر ما؟ تەلەارنا كەستەسىندە يۆريت، ۋكراين، ۇيعىر نەمەسە نەمىس تىلىندەگى حابارلار بار ما؟ سوندىقتان ءبىز نەگە قازاقستانداعى كوپۇلتتى مادەنيەتتى كورسەتەتىن مەملەكەتتىك تەلەارنا اشپايمىز. ءار ۇلتتىڭ قازاق جەرىندە تۋعان، وسىپ-ونگەن ءوز تۇلعالارى بار. ءبىر عانا تاتارلاردىڭ ىشىنەن لاتيف حاميدي، گاينان كۋرماشيەۆ سەكىلدى ۇلى ادامدار شىققان. ەلىمىزدىڭ ءار تۇكپىرىندە ماحابباتتىڭ ۇلگىسى بولىپ تابىلاتىن دۋدارايعا عاشىق بولعان ءوز ماريا رەكيناسى دا بار"،- دەگەن.

باسىلىمنىڭ مالىمەتىنشە، "بىرلىك" تەلەارناسى كەلەر جىلى قازاقستان حالقى اسسامبلەياسىنىڭ 20 جىلدىعى قارساڭىندا اشىلماق. اتالعان يدەيانى اسسامبلەياداعىلار تولىقتاي قولداپ وتىر.

قامشى-اقپارات