اتىراۋدا 23 جاستاعى تۇرعىندى بەلگىسىزدەردىڭ ءولتىرىپ كەتكەنى تۇسىرىلگەن ۆيدەو جەلىدە تاراپ جاتىر. قىلمىس 6 اقپاندا قالا ورتالىعىنداعى كافەلەردىڭ ءبىرىنىڭ ماڭىندا بولعان.

مارقۇم مەكەمەدەن شىققان كەزدە وعان ەكى ادام شابۋىل جاساعان، - دەپ حابارلايدى Caravan.kz

وقيعا وسى اۋداندا ورنالاسقان كەڭسەلەرىنىڭ بىرىندە ورناتىلعان كامەراعا ءتۇسىپ قالعان. كادرلارىنان توبەلەس باستالعانىن، كەيىن قۇلاعان ادامدى ەكەۋدىڭ ۇرىپ-سوققانىن كورۋگە بولادى.

كۇدىكتىلەر ۇستالعان. ولار ماعىستاۋ وبلىسى جاڭاوزەن قالاسىنىڭ 1995 جىلعى تۇرعىندارى بولىپ شىقتى. مارقۇمنىڭ تۋىستارىنىڭ مۇددەسىن قورعايتىن ادۆوكات ايدوس يبراگيموۆتىڭ ايتۋىنشا، كۇدىكتىلەردىڭ ءبىرى ق ر قىلمىستىق كودەكسىنىڭ "دەنساۋلىققا قاساقانا اۋىر زيان كەلتiرە وتىرىپ، ابايسىزدا ادام ولىمىنە اكەپ سوققان ىس-ارەكەت" بابى بويىنشا، ال ەكىنشىسى "بۇزاقىلىق" بابى بويىنشا ىسكە تارتىلىپ جاتىر. ەكىنشىسى كەپىلاقى ارقىلى بوستاندىققا شىعارىلعان. ال ونىڭ سىبايلاسى قاماۋعا الىنعان.

"ۆيدەوجازباعا قاراعاندا، ادەتتەگى بۇزاقىلىقتى بايقاي المايسىز. كەپىلاقى تۇرىندەگى بۇلتارتپاۋ شاراسىن وزگەرتۋگە ءوتىنىش بەرۋگە نيەتتىمىن. سوسىن باپتى "ادام ولتىرۋگە"، ناقتىراق ايتقاندا، كiءنالi ادامعا دارمەنسiز كۇيدە ەكەنi كورىنەۋ بەلگiلi ادامعا قاتىستى اسا قاتىگەزدىكپەن ادامدار توبى بولىپ ادام ءولتىرۋ بابىنا اۋىستىرۋ تۋرالى ءوتىنىش بىلدىرەمىز"، - دەدى يبراگيموۆ.

اقپارات كوزى: Tengrinews.kz