2017 جىلدىڭ العاشقى جارتىسىندا وزبەك پرەزيدەنتى شاۆكات ميرزيويەۆ مەملەكەتتىك ساپارمەن قازاقستانعا كەلەدى دەپ جازدى ru.sputniknews-uz.com.
ساپار ق ر پرەزيدەنتى نۇرسۇلتان نازاربايەۆتىڭ وزبەك ارىپتەسىن قوناققا ارنايى شاقىرۋى اياسىندا جوسپارلانىپ وتىر.
وزبەكتىڭ جاڭا سايلانعان پرەزيدەنتىنىڭ قازاقستانعا العاشقى ساپارى اياسىندا ەكى جاقتى ستراتەگيالىق ارىپتەستىك پەن الداعى ۋاقىتتا ونى جانداندىرۋ ماسەلەسى تالقىلانادى دەپ جوسپارلانعان.
سونداي-اق، ساۋدا-ەكونوميكالىق قاتىناستار، ترانسپورتتىق لوگيستيكالىق ارىپتەستىكتەر، وڭىرلىك دەڭگەيدەگى ىنتىماقتاستىق جانە باسقا دا ماسەلەلەر تالقىلاناتىن بولادى.
«ءبىزدىڭ ىنتىماقتاستىق ديناميكامىز 2016 جىلدىڭ اياعى مەن 2017 جىلدىڭ باسىندا بەلسەندى بولا باستادى. سايكەسىنشە بىزدە شەشىمىن تابۋعا ءتيىس سۇراقتار بلوگى پايدا بولدى. سوندىقتان ەكى ليدەرىمىزدىڭ كەزدەسۋى وتە وزەكتى جانە ۋاقتىلى»، - دەپ اتاپ وتكەن وزبەكستانداعى قازاق ەلشىلىگى.
سونىمەن قاتار، دەرەككوزدىڭ ايتۋىنشا، جاقىن ۋاقىتتا باسقا دا ەكى جاقتى رەسمي كەزدەسۋلەر جوسپارلانعان. اتاپ ايتقاندا، قازاقستاننىڭ جاڭا قورعانىس مينيسترلىگى وكىلدەرى قورعانىس جانە اسكەري-تەحنيكالىق ارىپتەستىك ورناتۋ ماقساتىندا وزبەكستانعا كەلەتىن بولادى. دەلەگاسيا ىشىندە ۇلتتىق تەمىر جول وپەراتورلارى دا بولادى دەپ كۇتىلۋدە.
پىكىر قالدىرۋ