ءبىر اپتا بۇرىن  «ۇلتتىق كەلىسىم بيلىگى» قۇلاعاننان كەيىن ليۆيادا جاڭا ماسەلە پايدا بولدى – دجاماحيري كوسەمنىڭ قىزى ايشا كاددافي. ەريترەي حاتىنا ءتورت جىلدان بەرى جاۋاپ الا الماعاننان سوڭ ول ليۆيالىقتاردى باتىستى جاڭاشا جاۋلاۋ ساياساتىنا قارسى شىعۋعا ۇگىتتەۋدە، ال ءوزىن اتى اڭىزعا اينالعان اكەسىنىڭ مۇراگەرى – «ليۆيانىڭ اناسى» دەپ تانىتتى. بەني-ۆاليد (ميسۋراتا) قالاسىنداعى ءىرى ليۆيالىق «ۆارفاللا» تايپاسى ءدجاماحيرييدىڭ  اتىن بەيىمدىلىگىن جاريالاپ، ايشانىڭ ادالدىعىنا انت بەردى. بۇعان جاۋاپ رەتىندە بريتانيالىق ۆۆس مۋاممار كاددافيدىڭ قىزىنىڭ قىزۋ قاندىلىعىن ەسكەرە وتىرىپ، ونىڭ شىنايى بەت-بەينەسىن اشاتىن ناقتى دالەلدەمەلەر كەلتىردى. ال ناتو ليۆياداعى جاعدايعا بايلانىستى گوللانديادا شۇعىل تۇردە جينالىس وتكىزگەن، دەپ حابارلايدى zagopod.com، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

ايشاعا «قارا تاڭبا» جىبەرۋ ءۇشىن باتىستا بارلىق نەگىز بار. ول كاددافيدىڭ جالعىز قىزى، سول سەبەپتى دە ليۆيالىقتارعا ىقپالى زور بولىپ، باتىسقا ەداۋىر ءقاۋىپ ءتوندىرىپ وتىر. ايەلدەرگە «ليۆيالىق بالالارىن» قورعاۋعا ۇگىتتەي الاتىن كاددافيدىڭ سەگىز بالالارىنىڭ ىشىندەگى جالعىزى وسى ايشا. سوربوننانىڭ ۇزدىك اعارتۋشىلىق ءداستۇرى بويىنشا ول ليۆيا مەن شەت ەلدەردە قۇپيا ۇكىمەت قۇراتىنىن جارنامالاعان. باتىستىقتار ونى اكەسىن قالاي قيناپ ولتىرسە، ءوزىن دە سولاي ولتىرەمىز دەپ قورقىتقان. اكەسىنىڭ ولىمىمىەن قاتار ايشانىڭ جەكە ەسەبى  بار  – ناتولىق اۋە كۇشتەرىنىڭ سوقىسىنان ەكى بالاسى مەن كۇيەۋى كوز جۇمعان ەكەن.

باتىستا ايشا كاددافي شىعىس ارۋى رەتىندە وتە تانىمال بولعانىمەن رەسەيدە ول جايلى بىلەتىندەر تىم از. ول 39 جاستا. ايشانىڭ ايەل ادام ەكەندىگىنە، سونىمەن قاتار مۇسىلماندىقتان الىس ەكەندىگىنە قاراماستان ليۆياداعى توڭكەرىسكە دەيىن ونى مۋاممار كاددافيدىڭ مۇراگەرى رەتىندە تاعايىنداعان. اكەسىنىڭ سۇيىكتى قىزى، كىشكەنتايىنان اكەسىنىڭ يدەيالارىنان شابىتتانىپ وسكەن. ول جاڭا ليۆيالىق داستۇرلەر بويىنشا تاربيەلەنگەن – ارابيالىق سوسياليستىك دجاماحيريي، ولاردىڭ ۇستانىمدارى – بۇكىل الەمدى بولماسا دا، افريكانى مىندەتتى تۇردە ازات ەتۋى كەرەك. ونى ۇزىن بۇيرا شاشتارى، سىمباتتى دەنە ءبىتىمى ءۇشىن «افريكالىق كلاۋديي شيفەر» دەپ اتايتىن. نەگىزىنەن جىڭىشكە دجينسى، Gucci بيىكوكشەلەرى مەن مۇسىلماندىق ورامال تاعىپ جۇرەتىن.

الايدا 2011 جىلى كەنەتتەن ول ەۆروپالىق توپ-مودەلدەردىڭ يميدجىنە اۋىسىپ، حيدجاب كيە باستاعان. وسىلاي حالىققا جاقىندىعىن ءبىلدىرىپ، ەل ىشىندەگى ماسەلەلەرگە باتىستىڭ ارالاسۋىنا نارازىلىعىن ءبىلدىردى. قىزىنىڭ نەگىزگى مىندەتى كاددافيدىڭ ساياساتىن جالعاستىرۋ بولدى. ءوزىنىڭ جالعىز قىزىن مۋاممار كاددافي قان تازالىعىن ساقتاۋ ماقساتىندا تۋعان بولەسى احمەد ال-كاددافي ال-كاسحيعا  تۇرمىسقا بەرگەن. بۇۇ-دا ايشا كاددافي افريكاداعى سپيد پەن اشارشىلىققا قارسى كۇرەس جۇرگىزۋ كەرەكتىگىن العا تارتىپ، كاددافيدىڭ افريكالىق يدەالدارىن ۇستانعان.

2011 جىلدىڭ تامىزىندا تريپولي استاناسى بۇلىكشىلەردىڭ قولىنا كوشكەننەن سوڭ مۋاممار كاددافي ايشانىڭ ليۆيادا قالۋىنا رۇقسات بەرمەدى. بەس كۇننەن كەيىن كاددافيدىڭ رەزيدەنسياسىن دا باسىپ العاننان سوڭ، ول مۇحامماد پەن گاننيبال اتتى ەكى ۇلىنا كەلىنشەگى مەن اياعى اۋىر قىزىن اماناتتاپ تاپسىرىپ، الجيرگە جىبەرەدى. ايشا ءۇش كۇننەن سوڭ قىز بوسانادى. 21 قازاندا بولعان كاددافيدىڭ ءولىمى ايشانىڭ ومىرگە دەگەن قۇشتارلىعىن جويىعانىمەن، ول اۋرۋحانادان شىققاننان سوڭ ءوز كۇرەسىن باستاعان. الجير بيلىگىنىڭ ەكى رەت تىيم سالعانىنا قاراماستان ليۆيالىق تۇرعىنداردى مۋاممار كاددافيدىڭ ءولىمى ءۇشىن كەك الۋعا شاقىرعان، ال ءبىر جىلدان سوڭ، 2012 جىلدىڭ قازان ايىندا، ومانعا كەتۋگە ءماجبۇر بولادى. ول ۋاقىتتا ايشا بۇۇ-داعى ءوز مارتەبەسىنەن تولىقتاي ايىرىلعان بولاتىن، سونىمەن قاتار ساياسي بۇلىك تۋعىزدى دەگەن ايىپپپەن ينتەرپولدىڭ نازارىنا ىلىگىپ، وعان ءقاۋىپ ءتوندى. «كاددافي ليۆيادا ەمەس، ول ليۆيالىقتاردىڭ جۇرەگىندە» ەكەندىگىنە ايشا كاددافي سەنەدى.

اۋدارعان: نازەركە لابيحان