استانالىق "سپارتا" كومانداسى كۆن ويىندارىنىڭ جوعارى ليگاسىنداعى ءبىرىنشى 1/8 فينالىندا 1-ورىن الدى، - دەپ حابارلايدى Tengrinews.kz ءتىلشىسى كلۋبتىڭ سايتىنداعى ترانسلياسياعا سىلتەمە جاساپ.

جۇرگىزۋشىلەرىنىڭ ايتۋىنشا، "سپارتا" كومانداسى سالەمدەسۋ بايقاۋىندا دا ۇزدىك ونەر كورسەتكەن. 

ال مۋزىكالىق بايقاۋدا "سپارتا" "لا-لا-لەند" ءفيلمىنىڭ ءوز نۇسقاسىن كورسەتكەن. ويىنشىلار ءفيلمنىڭ اتاۋىن "حا-حا لەند" دەپ وزگەرتكەن. سونداي-اق، ساحناعا "كازاحي" كومانداسىنىڭ بۇرىنعى ويىنشىسى گۇلنار سىلبايەۆا دا شىقتى.

ايتا كەتەيىك، قازىلار القاسى "سپارتانىڭ" ونەرىن جوعارى باعالادى. ويىن قورىتىندىسى بويىنشا مىنا كوماندالار 1/4 فينالعا ءوتتى: "سپارتا" (استانا)، "پرويگرىۆاتەل" (تگۋ ، تامبوۆ) جانە كالينينگراد وبلىسىنىڭ قۇراماسى.

ويىن قورىتىندىسى:

"سپارتا"، استانا - 11 ۇپاي؛
"پرويگرىۆاتەل"، تامبوۆ - 9،7 ۇپاي؛
كالينينگراد وبلىسىنىڭ قۇراماسى - 9،6 ۇپاي؛
گۋۋ جانە ميسيس جوعارعى وقۋ ورىندارى، ماسكەۋ - 9،5 ۇپاي؛
"پريكاز 390"، فسين رەسەي - 9،5 ۇپاي؛
"ناتە"، بريۋحوۆەسكايا، كراسنودار - 8،3 ۇپاي.

ال قازىلار القاسىندا كونستانتين ەرنست، يۋليي گۋسمان، دميتريي ناگييەۆ، ۆالديس پەلش، ميحايل گالۋستيان جانە كونستانتين لارونەنكو بولدى.

ايتا كەتەيىك، 1/4 فينال 26 اقپاندا ءبىرىنشى ارنادان كورسەتىلەدى.