اقش پرەزيدەنتى دونالد ترامپ رەسەي ۋكرايناعا قىرىمدى قايتارادى دەپ پايىمدادى، دەپ حابارلادى اق ءۇيدىڭ پرەسس-حاتشىسى شون سپايسەر. بۇل تۋرالى ريا نوۆوستي حابارلايدى.

«ترامپ رەسەي بيلىگىنىڭ ۋكرايناعا كورسەتەكەن دەەسكالاسيالىق كۇشتەۋىن جويىپ، قىرىمدى قايتاراتىنىن اشىق ءتۇسىنىدىردى»،-دەدى سپايسەر بريفينگ كەزىندە.

ونىڭ ۇستىنە، اقش پرەزيدەنتى رەسەيمەن اراداعى بايلانىستى رەتتەپ، كوپتەگەن ماسەلەلەردى شەشەتىنىنە سەنىمدى بولدى. ەڭ باستى ماسەلە رەتىندە رەسەيدە تىيىم سالىنعان «يسلام مەملەكەتى» ەدى.

سپايسەر اقش-تىڭ قازىرگى انتيرەسەيلىك سانكسياسى وزگەرىسسىز قالاتىنىن دا ايتىپ ءوتتى.

قورعانىس كوميتەتىنىڭ باسشىسى ۆيكتور وزەروۆتىڭ پىكىرىنشە، اق ءۇيدىڭ «قىرىمدى قايتارۋ» تۋرالى مالىمدەمەسى ترامپتىڭ «پرورەسەيلىك» پوزييسياسىنا قاتىستى نارازىلىعىن باسەڭدەتۋ ماقساتىندا پرەزيدەنت اكىمشىلىگىنىڭ قالاۋىمەن بايلانىستى بولۋى مۇمكىن.

رەفەرەندۋم قورىتىندىسى بويىنشا، ۋكرايناداعى مەملەكەتتىك توڭكەرىستەن كەيىن قىرىم قايتادان رەسەي ايماعىنا قوسىلدى. ونىڭ رەسەيمەن قوسىلۋىن تۇرعىنداردىڭ 95% قولداعان بولاتىن.

رەسەي ۋكرايناداعى جاعدايدى رەتتەۋگە قاتىستى كەلىسىمگە جانە جانجالعا قاتىسى بولماعاندىقتان،  ماسكەۋ باتىس سانكسياسى مەن مينسك كەلىسىمىن بايلانىستىرۋدى نەگىزسىز دەپ سانادى.

اۋدارعان: گۇلىم جاقان