اتىراۋدا «قوقىستى تاستاپ، ۇيىڭە ىستىق نان جەتكىزۋ» اتتى سويلەممەن ەرەكشە حابارلاندىرۋلار جاريالاندى، دەپ حابارلايدى «موي گورود» پورتالىنىڭ ءتىلشىسى. بۇنداي كاسىپ ءتۇرىن اشۋ جەرگىلىكتى كاسىپكەردىڭ ويىنا كەلگەن. وسىمەن ەكىنشى كۇن «سەرىك» جك قىزمەتكەرلەرى قوقىس تاستاپ، ۇيگە ىستىق ناندى تاسۋ ءۇشىن تاپسىرىستار قابىلداۋدا.
جاس كومپانيادا ازىرگە ءۇش قىزمەتكەر جۇمىس اتقارۋدا – باستىعى جانە كامەلەت جاسقا تولماعان ەكى كومەكشىسى. قىزمەت كورسەتۋ قۇنى – 100 تەڭگە.
- مەندە ازىرگە ەكى جىگىت جۇمىس اتقارادى، ەكەۋىنىڭ دە جەكە كۋالىكتەرى بار. ولار جۇمىس ىزدەپ، ماعان وزدەرى كەلدى. جازعى دەمالىس كەزىندە مەن ولاردى ۋاقىتشا ورنالاستىرعان ەدىم، ءبىراق تابىس قاشان دا كەرەك بولعاندىقتان، جىگىتتەر مەنىمەن جۇمىس ىستەۋدى جالعاستىرۋدى قالادى، - دەپ ءوز پىكىرىمەن ءبولىستى سەرىك ەسىمدى كاسىپكەر.
ءوزىنىڭ جاس كاسىبى ءۇشىن كاسىپكەر قالا ورتالىعىنان جەكە كەڭسە جالداعان، قوڭىراۋلارعا دا ءوزى جاۋاپ بەرەدى. جەكە كاسىپتىڭ اشىلىپ، جۇمىسقا كىرىسكەنى جايىندا قالا تۇرعىندارى ەكى كۇن ىشىندە بىلگەن. الايدا، تاپسىرىستار ازىرگە «راحات» اۋدانى بويىنشا عانا قابىلدانۋدا.
- مەن تاعى دا ەكى قىزمەتكەر الۋدى ويلاپ ءجۇرمىن، ءبىراق قالانى بىردەن تۇگەلدەي قامتۋ مۇمكىن ەمەس. بىزگە تاپسىرىسقا ىشەتىن سۋ دا قوسۋدى سۇرايدى. كوبىنەسە، زەينەتكەرلەر مەن جۇمىسشىلار، ءتىپتى، قاراپايىم نارسەگە ۋاقىت تاپپايتىن ادامداردىڭ وزدەرى حابارلاسىپ جاتادى. مەن كاسىپتى كەڭەيتۋدى ويلايتىن بولام، - دەيدى كاسىپكەر.
زاڭ ماسەلەلەرى سەرىكتى ازىرگە مازالاعان جوق. جىگىت كامەلەتتىك جاسقا تولماعانداردى جۇمىسقا ورنالاستىرىپ، ءوزىنىڭ قايىرىمدى ىسپەن اينالىسىپ جۇرگەنىنە سەنىمدى. ونىڭ قول استىندا كوپبالالى، ءارى جاعدايى تومەن وتباسىنان شىققان بالالار. جىگىتتەردىڭ تابىسى وتباسىنا كومەكتەسۋگە جەتكىلىكتى.
- ەگەر تەكسەرىس كەلىپ جاتسا، ولار ماعان الدىمەن ەسكەرتۋ ايتادى. ال مەن ولاردان زاڭعا قارسى كەلمەيتىندەي كاسىپتى قالاي باستاۋعا بولاتىنىن سۇرايتىن بولامىن. سەبەبى، مەن كاسىپتى ءوز قارا باسىم ءۇشىن ەمەس، جىگىتتەرگە تابىس تابۋعا كومەكتەسۋ ءۇشىن باستادىم، - دەيدى كاسىپكەر.
ق ر ەڭبەك كودەكسىنىڭ 30 بابىنا سايكەس 16 جاسقا تولعان ازاماتتارمەن ەڭبەك كەلىسىمىنە وتىرۋعا بولاتىنى ايتىلعان. ءبىراق اتا-انالارىنىڭ كەلىسىمىمەن 14 جاستاعى جاسوسپىرىمدەر دە ساباقتان بوس ۋاقىتتارىندا جۇمىس ىستەي الادى.
