سيريا ازاماتى ياسەر الەزالدين 5 بالاسىمەن دەپورتاسيالانادى دەپ حابارلايدى kazinform.kz. اقپارات پورتالىنىڭ جازۋىنشا، ياسەر الەزالدين ءوزىنىڭ بوسقىن ەكەنىن قاراعاندى وبلىستىق سوت ينستانسيالارىنا دالەلدەي الماعان. ال ونىڭ جۇبايى قازاقستان ازاماتشاسىنا دەپورتاسيا ۇكىمى جۇرمەيدى. سوت ۇكىمى بويىنشا يا. الەزالدين مەن 18 جاسار ۇلى بوسقىن دەپ ەسەپتەلمەدى.
قاراعاندى وبلىستىق سوتى ءبىرىنشى سوت ينستانسياسى «بوسقىندار ءىسى جايلى» زاڭناماعا سايكەس سيريا تۇرعىنىنىڭ ءوتىنىشىن قابىلداماي وتىر.
ياسەر الەزالدين 5 بالاسىمەن جانە جۇبايى ساندۋعاش رايسوۆامەن قاراعاندىداعى تۋىستارىمەن تۇرىپ جاتىر.
1997 جىلى قازاقستاندىق ازاماتشا ساندۋعاش رايسوۆا سيريالىق ياسەر الەزالدينمەن قازاقستاندا تانىسىپ، وتباسىن قۇرعان. كەيىن ەكەۋى سيرياعا كوشىپ كەتكەن. 2015 جىلى سيرياداعى ۇيلەرى سوعىس ارەكەتتەرى بارىسىندا بومبالانىپ، قيراپ قالعان. قاراعاندىعا تۋىسقانىنىڭ ۇيىنە قوناققا كەلگەن س. رايسوۆا بۇگىن وتباسىمەن قيىن جاعدايدا ەكەنىن جەتكىزدى. كۇيەۋى مەن ۇلى كەز-كەلگەن ۋاقىتتا دەپورتاسيالانۋى مۇمكىن.
