استاناعا كىرۋدى اقىلى ەتۋ كەيىنگە قالدىرىلدى. بۇل تۋرالى حالىققا ەسەپ بەرۋ كەزدەسۋىندە استانا اكىمى اسەت يسەكەشيەۆ مالىمدەدى، - دەپ حابارلايدى Tengrinews.kz ءتىلشىسى.

يسەكەشيەۆتىڭ ايتۋىنشا، بۇنداي شەشىمنىڭ قابىلدانۋىنا  حالىقتىڭ وتىنىشتەرى مەن ەسكەرتۋىلەرى نەگىزگە الىنعان.

حالىقتىڭ پىكىرىن ەسەپكە الا وتىرىپ، قالاعا كىرۋدى اقىلى ەتۋدى جانە ابىلاي حان مەن شاكارىم قۇدايبەردى ۇلى داڭعىلدارىندا ءبىر باعىتتاعى قوزعالىستى ەنگىزۋدى كەيىنگە قالدىردىق"، - دەپ مالىمدەدى ەلوردا اكىمى.

ەسكە سالايىق، 2017 جىلدىڭ 21 مامىرىنان باستاپ قاربالاس ساتتە قالاعا كىرۋ اقىلى بولاتىنى ايتىلعان ەدى. سونداي-اق، جول كارتاسىنىڭ جوسپارىنا سايكەس، ساعات 7.00-دەن 10.00-گە دەيىن مىنا التى باعىت بويىنشا: كوكشەتاۋ، قوستاناي، پاۆلودار، قاراعاندى، قوسشى جانە قورعالجىن اقىلى بولاتىنى حابارلانعان ەدى.