«ۇيدەن شىققاندا بالانىڭ جىلاعان داۋسىن ەستىدىم. كورشىنىڭ بالاسى دەپ ويلادىم. سىرتتا تۇرعان كولىگىمە بەتتەگەندە جەردە وتىرعان بالانى بايقادىم. كۇرتەشەسىنە حات قىستىرىلعان.

وندا «اتى زەرە. ءبىر جاس ءۇش اي. ءبىر ايدان كەيىن الىپ كەتەمىن ەشكىمگە حابارلاسپاڭىزدارشى» — دەپ ورىسشا جازىلعان». بۇل تۋرالى بىزگە جامبىل وبلىسى مەركى اۋىلىنىڭ تۇرعىنى حابارلادى، دەپ جازادى  jasqazaq.kz

اتىن جاسىرىپ قالعان ازاماتشا، وقيعا مانشۇك مامەتوۆا كوشەسىندە ورنالاسقان ءۇيدىڭ اۋلاسىندا بولعانىن ايتتى. ءبىر جاستان اسقان نارەستەنى بەلگىسىز بىرەۋ تاستاپ كەتكەن. توتەنشە وقيعا 14 اقپان كۇنى ساعات كەشكى 22.00 تامان ورىن العان.ءۇي قوجايىندارى بىردەن جەرگىلىكتى ءتارتىپ ساقشىلارىنا حابار بەرەدى. ولار كەلىپ، كورشىلەردەن سۇراستىرادى. قاراما-قارسى ۇيدە بەينەكامەرا ورناتىلعان. وندا جاس قىزدىڭ 21.48-دە قاقپادان كىرگەنى كورسەتىلگەن. ءبىراق ءتۇرى كورىنبەيدى. جول بويىندا تۇرعان تاكسيستىڭ ءبىرى كوكەك انانى الماتى-تاشكەنت تاس جولىنىڭ بويىنا جەتكىزگەنىن ايتقان. ناقتى قاي باعىتقا كەتكەنى بەلگىسىز. بالا ءبىر جاستان ەندى اسقان بولسا دا «ماما، ماما» دەپ اناسىن قايتا-قايتا ىزدەيدى.

ەلدوس ءومىرزاق