لوندون تۇرعىنى ەكىنشى مارتە كەزدەسۋگە بارۋدان باس تارتقان قىزدان ءبىرىنشى كەزدەسۋگە جۇمساعان اقشاسىن سۇرادى دەپ جازادى Metro.
38 جاستاعى ليۋسي براۋن الەۋمەتتىك جەلىدەن جىگىتپەن تانىسىپ، ەكەۋى كەزدەسەدى. الايدا، ليۋسي ەكىنشى كەزدەسۋگە كەلمەيتىنىن ايتقاننان كەيىن بريتاندىق ونىڭ شىنشىلدىعى ءۇشىن العىس ايتىپ، وعان جۇمسالعان 42،8 فۋنت ستەرلينگتى قايتارىپ بەرۋىن وتىنگەن.
سونىمەن قاتار، جىگىت ءقازىر قارجىلىق قيىندىقتاردى باستان وتكەرىپ جاتقانىن جازىپ، براۋنمەن كەزدەسۋى ءۇشىن ارنايى اقشا جيناعانىن ايتقان. ەلەكتروندى حاتتىڭ سوڭىندا شوتتىڭ نومەرىن جازىپ جىبەرگەن. براۋن جىگىتتىڭ اقشاسىن قايتارىپ بەرگەن ەكەن.
ءدال وسىنداي جاعداي شەففيلد قالاسىندا بولدى. 2016 جىلدىڭ قىركۇيەك ايىندا شەففيلد قالاسىنىڭ ليام ەسىمدى تۇرعىنى بەيتانىس قىزعا كوكتەيل ساتىپ الىپ بەرىپ، ەكى اپتادان كەيىن ونىڭ اقشاسىن سۇراعان ەكەن.
