قازىرگى تاڭدا بالا ءوسىرىپ، كەلىن تۇسىرگەن كوپتەگەن اپالار بالالارىنىڭ اجىراسىپ جاتقاندىعى جايلى كوڭىلدەرى ءتۇسىپ، كوپ ايتىپ جاتادى. اڭگىمەلەرىن كوبىندە «ءبىزدىڭ كەزىمىزدە...» دەپ باستاپ، نازدانا جەتكىزەدى، دەپ حابارلايدى «قامشى» yvision.kz پورتالىنا سىلتەمە جاساپ.
حح عاسىرداعى كەلىندەردىڭ كۇن ءتارتىبى:
- ساعات تاڭعى 6-دا تۇرۋ؛
- اۋلانى جيناستىرىپ، سيىر مە ەشكىلەردى ساۋۋ؛
- ساماۋرىنعا ءشاي قايناتىپ، تاعى اس ازىرلەيدى؛
- ءۇيدى سىپىرعىمەن جيناپ، شاڭدى شۇبەرەكپەن سۇرتەدى، وعان قوسا بالاعا قاراۋ؛
- تۇسكى اس ازىرلەۋ؛
- كۇنىگە قولمەن كىر جۋادى؛
- ول زاماندا ۇيگە قوناق كەلۋ ۇزىلمەگەن؛
- ءۇي جانۋارلارىنا قاراۋ؛
- كەشكى اس ازىرلەۋ؛
- كيىم ۇتىكتەۋ، ەرتەڭگى كۇنگە زاتتاردى دايىنداۋ؛
- بالالار ءۇشىن قۇرت، ىرىمشىك، قاتىق دايىنداپ، نان پىسىرگەن؛
- جانە دە ۇيقى.
مىنەكي، ءدال وسىلاي كەلىن بولىپ كەلگەن كەزىندە كەمىندە العاشقى ءۇش جىلدا سىناقتان وتكەن. كەيىننەن كەيبىر وتباسىلار ەنشىلەرىن الىپ، قارا شاڭىراقتان بولەك شىعاتىن.
ءححى عاسىر كەلىندەرىنىڭ كۇن ءتارتىبى:
- ساعات 10-دا تۇرادى؛
- تاڭعى اس دايىن؛
- ءۇيدى شاڭسورعىشپەن تازالايدى، ال بابالارعا اتا-ەنەلەرى قارايدى؛
- ءۇي جاعدايىنداعى مانيكيۋر؛
- تۇسكى اسقا كەشەگى سورپا؛
- اۆتومات كىر جۋعىش ماشينا اپتاسىنا ءبىر-اق رەت قوسىلادى. بالالاردىڭ بارلىعندا «پامپەرس» جورگەكتەرى؛
- قوناقتار اندا-ساندا كەلەدى... ءتۇرلى سەريالدار مەن الەۋمەتتىك جەلىلەر؛
- كەشكى اس ازىرلەۋ. كەي كەزدەردە تاماقتى تاپسىرىسپەن العىزادى؛
- تاعى دا تەلەحيكايالار مەن الەۋمەتتىك جەلىلەر؛
- ءۇيدىڭ تاعامى ءبىزدىڭ زامانىمىزدا تىم از، قاراپايىم ەت تاماققا ارنالعان «جايمانى» دا ساتىپ الادى؛
- ارينە، ۇيقى.
قاراپ تۇرساڭ، بارلىق جاعدايلار جاسالعان. كەيدە ادامداردىڭ ءىشى پىسقان نەمەسە ءومىردىڭ ولار ءۇشىن ەش قىزىعى قالماعان با دەپ ويلايسىڭ.
ەگەر، قازىرگى تاڭدا ءومىر ءسۇرۋ جەڭىل بولسا، نەگە وتباسىلار كوپ اجىراسادى؟ وتكەن زاماننىڭ ادامدارىنىڭ جۇيكە جۇيەسى تىم مىقتى بولعان نەمەسە ول كەزدەردە اجىراسۋ دەگەن وتە قاتتى ۇيات بولعان.
ارينە، كوپكە توپىراق شاشۋعا بولمايدى. بارلىق ءۇيدىڭ كۇن ءتارتىبى ءقازىر ءدال وسىنداي دەمەيمىز. دەگەنمەن، بۇل ماسەلە ءقازىر قوعامدا ءورشىپ تۇرعانى راس.
اۆتورى: ەرلان مۋسايەۆ
اۋدارعان: نازەركە لابيحان
