ۋكراينا پرەزيدەنتى پەتر پوروشەنكو ۆلاديمير ءپۋتيننىڭ دونباسس ايماعىندا تۇراتىن ۋكراينا ازاماتتارىنا قاتىستى كەلىسىمىن  بۇزۋى حالىقارالىق قۇقىقتىڭ بۇزىلۋىمەن تەڭ دەيدى. بۇنى tengrinews.kz جاڭالىقتارى حابارلايدى.

«ءپۋتيننىڭ ءىسى – رەسەي باسقىنشىلىعىنىڭ تاعى ءبىر دالەلى. بۇل جاعدايدىڭ ميۋنحەن قاۋىپسىزدىك كونفەرەنسياسىنىڭ ۋاقىتى كەزىندە ورىن الۋى دا باسسىزدىق»، - دەپ حابارلادى پوروشەنكو ميۋنحەننىڭ ب ا ق قىزمەتكەرلەرىنە سۇحبات بەرۋ ۇستىندە.

ۋكراينا پرەزيدەنتى ءپۋتيننىڭ كەلىسىمىن اقش-تىڭ ۆيسە-مينيسترى مايك پەنسكە دە حابارلاعانىن ايتتى.

ءپۋتيننىڭ جارلىعىن ۋكراينا سىرتقى ىستەر مينيسترلىگى دە ايىپتى دەپ قابىلدادى.

ۆەدومستۆودا رەسەي شەشىمى «دونباسقا قاتىستى زاڭسىز بيلىك جۇرگىزۋ» دەپ قابىلداندى. ۆەدومستۆودا «رەسەي كەزەكتى رەت مەملەكەتتىڭ ەگەمەندىگىنە جانە ۋكراينانىڭ ايماقتىق تۇتاستىعىنا، ءوزىنىڭ ىشكى مىندەتتەمەلەرىنە قاتىستى كەلىسىمدى بۇزۋدا. حالىقارالىق سەرىكتەستەرىمىزدەن رەسەيگە دەگەن قىسىمدى ۇلعايتۋ جانە حالىقارالىق قۇقىعىمىزدى قايتارۋ جونىندە قولداۋ سۇريمىز» دەلىنگەن.

پۋتين رەسەيدە دونەسك جانە لۋگانسك ايماقتارىندا تۇراتىن ۋكراينا ازاماتتارىنا بەرىلەتىن رەسەيلىك قۇجاتتارعا بايلانىستى جارلىققا قول قويعانىن ەسكە سالا كەتەيىك.

اۋدارعان: گۇلىم جاقان