بۇگىن وقو-نىڭ تۇلكىباس اۋدانىندا جامبىل وبلىسىنداعى قار كوشكىنىنەن قازا تاپقان اسكەري قىزمەتكەر ءامىر ارالبايەۆتى جەر قوينىنا تاپسىردى.

Nur.kz حابارلاعانداي، داۋان اۋىلىنداعى مارقۇمنىڭ جەرلەۋ راسىمىنە ونىڭ اۋىلداستارى مەن پولكوۆنيك، "وڭتۇستىك" ينجەنەرلىك قىزمەتىنىڭ باسشىسى مۇرات ءجۇسىپوۆ كەلگەن.

"بۇل ءبىزدىڭ كىنا ەمەس، بۇل جازىم. ەگەرلەر شەكارانى كۇزەتەدى. ولار اسكەري مىندەتىن قاي جەردە وتەيتىنىن تۇسىنە وتىرىپ، بارعان. بۇل اسكەري بولىمشەلەر ۇدايى اسكەري دايىندىق ۇستىندە بولادى. سوندىقتان وسىنداي جاعدايدا قازا تاپتى. وڭىرلىك قولباسشى مەن قورعانىس مينيسترلىگى اتىنان قايعىرىپ كوڭىل ايتامىن"، - دەدى ءسوز العان مۇرات ءجۇسىپوۆ.

جابىل وبلىسىندا اسكەري جاتتىعۋ كەزىندە قار كوشكىنىنەن جەتى اسكەري قازا تاۋىپ، تاعى 16 ادام زارداپ شەككەنى حابارلانعان بولاتىن. جامبىل وبلىسىندا كوكساي شاتقالىندا 91678 اسكەري ءبولىمىنىڭ جوسپارلى اسكەري دايىندىق بارىسىندا ويلاماعان جەردەن قار كوشكىنى جۇرگەن.

Tengrinews.kz جاڭالىقتارىنىڭ جازۋىنشا، 17 اقپاندا ساعات 13.15-تە جامبىل وبلىسىنىڭ تجد كەزەكشى بولىمىنە قورىقشى الىمبەكوۆتەن جۋالى اۋدانى الاتاۋ اۋىلىنان 35-40 شاقىرىم جەردە (كوكساي شاتقالىندا) قار كوشكىنى ءجۇرىپ، 23 اسكەريدىڭ قار استىندا قالعانى تۋرالى حابارلاما كەلىپ تۇسكەن.

91678 اسكەري ءبولىمىنىڭ ارنايى تاۋلى-ەگەرلىك روتاسى قازاقستان رەسپۋبليكاسىنىڭ جالعىز قارۋلى كۇشى بولعان. «اسكەريلەرگە ءوز كۇشتەرىن ءبىلىپ، دەنساۋلىقتارىنا زيان كەلتىرمەس ءۇشىن بەيىمدەلۋ قاجەت. ارينە، ەندى عانا كەلگەن اسكەريلەردە ءبىراز قيىندىقتار تۋادى. ءبىز باستاپقىدا ولاردى تاۋعا جىبەرمەيمىز. ولار مەديسينالىق تەكسەرىستەردەن ءوتىپ، نورماتيۆتەردى تاپسىرىپ بولعان سوڭ عانا تاۋلى ايماقتارعا شىعادى. ساربازدارعا بەيىمدەلۋ ءۇشىن ءبىر اي جەتەدى. باستاپقىدا ولار 3 شاقىرىم جۇرەدى، كەيىن 5، 10 شاقىرىمعا دەيىن بارادى. بارلىعى فيزيكالىق تۇرعىداعى دايىندىقتارعا بايلانىستى. ول قانداي سپورتشى بولماسىن، بىردەن تاۋعا شىعا المايدى»، - دەيدى اسكەري ءبولىم تۋرالى بۇرىن باسقارعان اعا لەيتەنانت بەك قامباربەك ۇلى.

كوشكىننەن كەيىن 91678 اسكەري ءبولىمىنىڭ قىزمەتكەرلەرى مەن جەدەل جاردەم قىزمەتى (بارلىعى 60 ادام) وقيعا ورنىندا ىزدەستىرۋ-قۇتقارۋ جۇمىستارى جۇرگىزىپ جاتقانى حابارلاندى. تاعى 75 ادام، ياعني قۇتقارۋ قىزمەتىنىڭ جەكە قۇرامى جانە جەتى ارنايى تەحنيكا تاراز قالاسىنان جونەلتىلگەن. قار كوشكىنى سالدارىنان قازا تاپقان جەتى ادامنىڭ ءمايىتى تابىلعان.

جامبىل وبلىسى اكىمىنىڭ باسپا ءسوز قىزمەتىنىڭ حابارلاۋىنشا قازا تاپقان اسكەريلەردىڭ اتى-جوندەرى:

كىشى سەرجانت م.ت. قىدىربايەۆ، 1991 جىلعى،

كىشى سەرجانت ا.ك. ەرىسبايەۆ، 1992 جىلعى،

قاتارداعى  ت.ك. كەنەسوۆ، 1993 جىلعى،

كىشى سەرجانت ا.ج. ارالبايەۆ، 1988 جىلعى،

قاتارداعى ن.ك. شاكەن، 1995 جىلعى،

ەفرەيتور م.ب. تۇرىسماعانبەتوۆ،1991 جىلعى،

اعا لەيتەنانت ا.ك. موشابايەۆ، 1991 جىلعى.

ينتەرنەتتە اتالعان اسكەري ءبولىمنىڭ وتكەن ناۋرىز مەرەكەسىندە تۇسىرىلگەن اسەرلى روليگى پايدا بولدى.

ايتا كەتسەك، پرەمەر-مينيستر باقىتجان ساعىنتايەۆتىڭ جامبىل وبلىسىنداعى قايعىلى وقيعانى تەرگەۋ بارىسىن ءوز باقىلاۋىنا الاتىنى حابارلانعان بولاتىن. ايتا كەتەيىك، قازا تاپقاندارمەن قوشتاسۋ ءراسىمى اسكەري بولىمدە وتەدى.

قازاقستانداعى قازا تاپقان اسكەريلەردىڭ وتباسىنا جانە قازاقستان پرەزيدەنتىنە وزبەكستان پرەزيدەنتى شاۆكات ميرزيايەۆ كوڭىل ايتتى.