قىرعىزستان پرەزيدەنتى المازبەك اتامبايەۆ Euronews تەلەكانالىنا بەرگەن سۇحباتتا رەسەي پرەزيدەنتى ۆلاديمير پۋتين ءوزىنىڭ ساپارىندا كرەملگە كىمنىڭ پرەزيدەنت بولۋى لايىقتى ەكەنىن مەڭزەيدى دەگەن سوزدەرگە جاۋاپ بەردى. بۇل تۋرالى

ونىڭ سوزدەرىنشە، بۇل ابسۋرد.

«بۇل جونىندە ەلدى ابسۋردتىق جاعدايعا جەتكىزگەن كەيبىر ساياساتكەرلەر ايتىپ ءجۇر. قىرعىزستان بارلىق كورشىلەرگە تاۋەلدى بولدى. ولار گاز، ەلەكتر بەرمەي قويىپ، شەكارانى جاۋىپ تاستاۋى مۇمكىن ەدى. ءبىز ءقازىر مۇلدەم باسقا ەلمىز. ۆلاديمير پۋتين بۇل ءۇشىن كەلە جاتقان جوق. بىزگە تالقىلايتىن ماسەلە جەتەدى. ال پرەزيدەنت كىم بولۋ كەرەكتىگىن نە ماسكەۋ، نە ۆاشينگتون شەشپەيدى، قىرعىزستان ازاماتتارىنىڭ وزدەرى شەشەدى. ماعان سەنىڭىزدەر. بۇل ەندى ءتىپتى باسقا مەملەكەت. ءبىز ءوز ماسەلەمىزدى ءوزىمىز شەشەمىز»، - دەدى المازبەك اتامبايەۆ.

رەسەي پرەزيدەنتى ۆلاديمير ءپۋتيننىڭ قىرعىزستانعا ساپارى اقپان ايىنىڭ سوڭىندا جوسپارلانعان.

ايتا كەتەتىن بولساق، قىرعىزستاندا پرەزيدەنت سايلاۋى كونستيتۋسيالىق زاڭدارعا ساي قاراشانىڭ ءۇشىنشى جەكسەنبىسىندە - 2017 جىلعى قاراشانىڭ 19-ىندا ءوتۋى ءتيىس.