كەشە، 25 تامىز  الماتى قالاسىنىڭ كوشەلەرىنىڭ بىرىندە  ىلىنگەن جارناما قازاقستاندىق جۇرتشىلىقتىڭ نارازىلىعىن تۋدىرعان ەدى، جۇرت كوپ جۇرەتىن كوشەدە ىلىنگەن پوستەردە قازاق حالقىنىڭ رەسەي وتارشىلدارىنا قارسى جورىق زاماندارىندا دومبىرا ۇنىمەن ەلىن جۇباتقان قۇرمانعازى ساعىرباي ۇلى مەن ورىس جازۋشىسى پۋشكيننىڭ ءسۇيىسىپ تۇرعانىن بەينەلەنگەن. "ستۋديا 69" كلۋبىنىڭ بۇنداي جارناما بەرۋدەگى ماقساتى قىزتەكەلەردىڭ ازعىندىق قاتىناستارىن ناسيحاتتاۋ بولعان.

كەشە، تۇستەن كەيىن ءوز ەرىكتەرىمەن جينالعان نارازى جۇرت قۇزىرلى ورگاندارعا ۇلتتى قورلاعان جارنامانى جاساتۋشىلار مەن جاساۋشىلاردى جازاعا تارتۋ تۋرالى شاعىم تاپسىردى. ولاردىڭ اراسىندا انشىلەر وكتەم التايەۆ، ساكەن مايعازييەۆ، ماقسات راحمەت، اسىلحان تولەپوۆ، ارتۋر تولەپوۆ، ەرلان اليموۆ، قۇرمانعازىنىڭ ۇرپاعى نۇركەن حالىقبەرگەن دە بار.  ال، Tengrinews.kzء-تىڭ جازۋىنشا  جارناما اگەنتتىگى ءوز ارەكەتى ءۇشىن كەشىرىم سۇراعان. ولار ءوز ارەكەتتەرىن «پوستەر شاعىن توپقا عانا ارنالعان، اتاپ ايتقاندا، بايقاۋ ءۇشىن عانا جاسالدى، ول بايقاۋدا جوبا قولا جۇلدەگە يە بولدى»، - دەپ تۇسىندىرگەن. سونداي-اق: "ءبىز پرينت الەۋمەتتىك جەلىلەر مەن باسپاسوزدە بۇرىن-سوڭدى بولماعان دۇرلىگۋ تۋعىزادى دەپ ويلامادىق. بۇل جۇمىس سىرتقى جارناما ءۇشىن قولدانىلمادى جانە ءبىر جەرگە ورنالاستىرۋعا ارنالمادى. ول تەماتيكالىق كلۋب ورنالاسقان كوشەلەردىڭ قيىلىسىن مەڭزەيدى. ءبىز بۇل ماكەت ار-نامىسىنا تيگەن جانە جيىركەنىشىن تۋعىزعان ادامداردان شىن جۇرەكتەن كەشىرىم سۇرايمىز. ورىستىڭ ۇلى اقىنى مەن قازاقتىڭ ۇلى كومپوزيتورىنىڭ مادەنيەتكە قوسقان باعا جەتپەس ۇلەسىن ەسكەرە وتىرىپ، ءبىز بۇل ءپرينتتىڭ ەش جەردەن باسىپ شىعارىلمايتىنىن، ەش جەرگە ورنالاستىرىلمايتىنىن نەمەسە اقىلى مەديادا جاريالانبايتىنىن رەسمي تۇردە حابارلايمىز"، - دەيدى مالىمدەمە جاسادى اگەنتتىك وكىلدەرى.

قامشى-اقپارات