بەيسەن قۇرانبەك تەلەارنالار مەن باسىلىمدارعا سۇحبات بەرۋگە ءجيى كەلىسپەيدى، دەپ حابارلايدى قازاقستان ۇلتتىق ارناسى.
بۇل – ۇستانىم با، الدە وزگە دە سەبەپتەرى بار ما؟
«ايتۋعا وڭايدىڭ» ەفيرگە شىققانىنا 5 جىل بولدى. باعدارلاما وسى باعىتتا قالا ما، الدە وزگەرىستەر بولا ما؟
«كۇندەلىكتى ۇسىنىلاتىن حاباردى ءبىر جىل ۇزبەي شىعارۋدىڭ ءوزى قيىن. ال بەس جىل بويى تاقىرىپ تاۋىپ، كورەرمەن جوعالتپاي ۇستاپ تۇرۋ – قيىننىڭ قيىنى. دوعارايىق دەپ جىلدا ايتامىن. ەلدىڭ تىلەگى مەن نيەتى، باسشىلىقتىڭ سۇراۋى بولار، توقتاماي كەلە جاتىر. ءبىراق ءار نارسەنىڭ ءوز ۋاقىتى بار. ءبىزدىڭ قوعامداعى تۇرمىستىق-الەۋمەتتىك ماسەلەلەردى ورتاق قازانعا سالىپ قايناتىپ وتىراتىن ءبارىبىر ءبىر توك-شوۋ كەرەك»، – دەيدى جۋرناليست.
بەلگىلى تەلەجۇرگىزۋشى، سونداي-اق وتباسى، قىزمەت، قىز بالا تاربيەسى تۋرالى پىكىرلەرىمەن ءبولىستى. «ادام ومىرىندە تەپە-تەڭدىك بولعانى دۇرىس. وتباسىن دا، قىزمەتتى دە قاتار الىپ ءجۇرۋ كەرەك. باسىڭمەن جۇمىسقا كىرىپ الۋ دا – قاتەلىك. بۇرىنعىداي ەمەس، ءقازىر دەمالىسقا ۋاقىت تابۋعا تىرىسىپ ءجۇرمىن.
ال قىز بالا تاربيەسىنە كەلسەك، ولاردىڭ ءبىلىمدى، تاربيەلى، اقىلدى بولعانى دۇرىس. ءبىراق مۇنىڭ ءبارى وتباسىنان جوعارى تۇرماۋى كەرەك»، – دەيدى.
قوعامعا بەلگىلى تۇلعا ۇلكەن قىزمەتتەردەن نەگە باس تارتتى؟
