ءازىربايجان پرەزيدەنتى يلحام الييەۆ جۇبايى مەحريبان الييەۆتى رەسپۋبليكانىڭ ءبىرىنشى ۆيسە-پرەزيدەنتى ەتىپ تاعايىندادى، دەپ حابارلايدى ria.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ءازىربايجان زاڭىنا سايكەس، ەگەر ەلباسى ءوز قىزمەتىن تولىققاندى اتقارا الماسا، ءبىرىنشى ۆيسە-پرەزيدەنت ەلباسىنىڭ تولىق قۇزىرەتتىلىگىنە يە بولا الادى، ياعني تولىقتاي پرەزيدەنت قىزمەتىن اتقارا الادى.

«ءازىربايجان پرەزيدەنتى يلحام الييەۆ جۇبايى مەحريبان الييەۆ اريفقىزىن ۆيسە-پرەزيدەنت ەتىپ تاعايىنداۋ جايلى قۇجاتقا قول قويدى»،- دەپ جازادى جەرگىلىكتى باسپا ءسوز قىزمەتى.

ءازىربايجان حالقى 26 قىركۇيەك كۇنى كونستيتۋسياعا وزگەرىس ەنگىزۋگە بايلانىستى داۋىس بەرگەن بولاتىن. نەگىزگى زاڭعا پرەزيدەنت پەن ۆيسە-پرەزيدەنت قىزمەتىن اتقارۋدى بەس جىلدان جەتى جىلعا دەيىن ۇزارتۋ، سونىمەن قاتار مەملەكەتتىك باسقارۋ قىزمەتى مەن دەپۋتتارعا تاعايىندىلاۋشىلاردىڭ جاس مولشەرىنە شەكتەۋدى الىپ تاستاۋ جايلى وزگەرىس ەنگىزبەك بولعان. جاڭا زاڭعا سايكەس، 35 جاسقا تولماعان ازاماتتار دا مەملەكەتتىك قىزمەتكە تۇرا الادى.

25%-دان استام سايلاۋشىلار قاتىسقاندىقتان رەفەرەندۋم قابىلدانىپ، ءازىربايجان كونستيتۋسياسىنا وزگەرىس ەنگىزۋگە سايلاۋشىلاردىڭ  85%-ى قولداۋ كورسەتكەن.

اۋدارعان: نازەركە لابيحان