جاپونيالىق پوپ-جۇلدىزداردىڭ ءومىرى ادام سەنگىسىز. ونەر جولىنا كەلگەن كۇننەن باستاپ جاپون انشىلەرىنىڭ قول-اياقتارى بايلانادى، ءار باسقان قادامى پروديۋسەرلەرىنىڭ كوز الدىندا بولادى، كەلىسىمشارتقا وتىرادى. شارت بۇزىلعان جاعدايدا، ءانشى قاتاڭ جازالانادى. جاي جازا ەمەس، ءدۇيىم جۇرتتىڭ كوز الدىندا جازاعا تارتىلادى ەكەن. بۇل جايىندا اقپارات lenta.ru سايتىندا جاريالاندى.
 

سوڭعى مۇمكىندىك

جاپونيا انشىلەرى بىردەن جۇلدىزعا اينالىپ كەتە المايدى. حالىقتىڭ كوزىنە ءتۇسىپ، اتاقتى بولۋ ءۇشىن بىرنەشە جىلدارىن تەك ونەر جولىنا ارنايدى. سونداي انشىلەردىڭ ءبىرى – ميكۋ تانابە.

ميكۋ تانابە 10 جىلدان اسا جاپوندىق اكۆ48 روك-گرۋپپاسىنىڭ مۇشەسى بولدى. توپ قۇرامىندا 300-دەي قاتىسۋشى بولعاندىقتان، ونى ەشكىم ەسىندە ساقتاپ قالماعان. 2014 جىلى توپ جانكۇيەرلەرى ەڭ تانىمال ءانشىنى تاڭداعاندا، ميكۋ 71-ورىندى يەمدەندى. ول ءتىپتى تەلەارنالارعا دا شاقىرىلعان جوق، ال كونسەرتتەردە ەڭ سوڭعى ورىنداردا تۇراتىن.

جاپونيادا ءانشىنىڭ جاسى 25-كە تولعاندا توپتان شىعارىلادى. ال، ميكۋدىڭ جاسى 24-كە تولعاندا، اتاق-داڭق، مارتەبە جايىنداعى ويلاردان ءۇمىتىن ۇزەدى. ءبىراق ءوز بلوگىندا «سوڭعى جىلدار قالسا دا، مەن قولىمنان كەلگەنىن ايانىپ قالمايمىن» دەپ جازدى. ءانشىنىڭ ەڭ سوڭعى مۇمكىندىگى بولدى – «تاس، قايشى، قاعاز» ويىنىندا جەڭىسكە جەتۋ.

ول ويىنعا اكۆ48 توبىنىڭ كەز-كەلگەن مۇشەسى قاتىسا الادى. ەگەر ميكۋ ويىندا جەڭىسكە جەتسە، پروديۋسەرلەر وعان توپتا بىرنەشە جىل جەكە ءان سالۋشى بولۋىنا مۇمكىندىك بەرەدى. بۇل ويىنعا بويجەتكەن 6 جىلدان بەرى قاتىسىپ كەلەدى، ءبىراق ءاردايىم جەڭىلىس تاپقان.

الايدا، سوڭعى مۇمكىندىگى ءساتتى بولدى. ميكۋ قارسىلاستارىنىڭ الدىن وراپ، اقىرى جەڭىسكە جەتەدى.

ميكۋ تانابە جەڭىسكە جەتۋ ءۇشىن ونەر جولىنا 10 جىلعى ءومىرىن ارناپ، اقىرى ءوزىن كورسەتەتىن مۇمكىندىككە يە بولدى. توپتىڭ جەكە ءانشىسى بولدى. توپتىڭ 7 مۇشەسىمەن بىرىگىپ، ءان جازدىردى. بۇنداي مۇمكىندىكتىڭ ەكىنشى قايتىپ كەلمەيتىنىن تۇسىنگەن ميكۋ تانىمال اتانۋ ءۇشىن قولداعى بار مۇمكىندىگىن پايدالاندى.  

 J-Pop لاگەرىندەگى انشىلەردىڭ جۇمىس كۇندەرى

جاپونيا پروديۋسەرلەرى ءوز انشىلەرىنە قاراپايىم جۇمىسشى رەتىندە قارايدى. اكۆ48 سىندى توپتىڭ قۇرامىنا كىرۋ ءۇشىن ۇمىتكەردىڭ داۋىسى دا، تالانتى دا، ءتىپتى سىرتقى كەلبەتى دە ماڭىزدى بولمايدى. باتىستىڭ ءار تانىمال ادامى حالىق ءۇشىن قۇداي ىسپەتتى بولسا، جاپونيا مەن وڭتۇستىك كورەيانىڭ انشىلەرىنىڭ قاراپايىم جۇمىسكەرلەردەن ەش ايىرماشىلىعى جوق دەسە دە بولادى.

جاپونيادا پوپ-جۇلدىزدارىن «پۇت» دەپ اتايدى ەكەن. پۇتتار، بىرىنشىدەن، بار ومىرلەرىن كارەراعا ارناۋ جونىندە كەلىسىم شارتقا قول قويادى. ولاردان تالانت پەن سۇلۋلىق تالاپ ەتىلمەگەنىمەن، الدا ولاردى جۇمىستىڭ ەڭ اۋىرى كۇتەدى.

توپقا جاڭادان قوسىلعان مۇشەلەر ارنايى جاتاقحانالارعا جىبەرىلەدى. جاتاقحانادا قىزدارعا ءاردايىم دايىندىق وتكىزىلەدى: ءان ايتۋ، بي بيلەۋ، سونداي-اق اكتەرلىك شەبەرلىك كۋرستارى ءوتىپ ءتۇرادى.

ەڭ باستىسى، كەلىسىمشارتتا كورسەتىلگەندەي ارتىستەرگە رومانتيكالىق قارىم-قاتىناسقا تىيىم سالىنعان. ەشقانداي كەزدەسۋلەردىڭ بولماۋىن قاتاڭ قاداعالايتىندار دا بار. پۇتتاردىڭ ارى تازا بولۋى شارت ەكەن.

ميسسۋري-سەنت-لۋيس ۋنيۆەرسيتەتىنىڭ پروفەسسورى لاۋرا ميللەر وسىعان قاتىستى ءوز پىكىرىن جەتكىزدى: «قىزدىڭ باسى بوس بولسا، جانكۇيەرلەرى دە كوپ بولادى. اكۆ48 توبى بۇل جاعدايدى ءتيىمدى بيزنەسكە اينالدىرىپ وتىر. ساتىلىمعا شىققان ءار ديسككە «سۇيىكتى پۇتىڭمەن كەزدەسىپ، قولىن الاتىن مۇمكىندىگىڭ بار» دەپ جانكۇيەرلەرىنە ارناپ جارناما جاساپ قويعان.

تىيىم سالىنعان ماحاببات

توپ مۇشەلەرىنە جىگىتپەن كەزدەسۋگە تىيىم سالىنعاندىقتان، جاسىرىن تۇردە كەزدەسۋلەرگە شىعىپ جۇرگەن ارتىستەر بولدى. جاسىرىن كەزدەسىپ ءجۇرىپ، ۇستالىپ قالعان ارتىستەردىڭ ءبىرى – مينامي اتتى ءانشى. كەلىسىم شارتتى بۇزعانى ءۇشىن ميناميدى شاشىن تاقىرلاپ الىپ تاستاۋ ارقىلى جازاعا تارتتى. كامەرا الدىندا مينامي جىلاپ وتىرىپ، جانكۇيەرلەرىنىڭ جانە توپ باسشىلارىنىڭ الدىندا كەشىرىم سۇرادى.

اقىرى، قىز توپتان قۋىلمايتىن بولدى. ەسەسىنە، ەڭ سوڭعى قاتاردا تۇرىپ ونەر كورستەۋگە ءماجبۇر بولادى. بۇل توپ مۇشەلەرى ءۇشىن اۋىر جازا بولىپ تابىلادى.

«پۇتتار» دەپ اتاپ جۇرگەن انشىلەر دە ءتىرى پەندە ەمەس پە؟ بۇنداي جاعداي بىرنەشە ءارتىستىڭ باسىنان وتكەن. بىرنەشە ءانشىنىڭ مانسابى جاسىرىن كەزەدسۋلەردىڭ كەسىرىنەن توقتاپ قالعان. رينو ساسيحارا ەسىمدى ءانشى بۇرىنعى جىگىتىنىڭ كەسىرىنەن جازاعا تارتىلدى. جىگىتى قىزدىڭ ءينتيمدى سۋرەتتەرىن جەلىدە تاراتقانى ءۇشىن، رينو شوۋ-بيزنەسى دامىماي قالعان توكيوعا ايداللدى.

ايتا كەتەرلىگى، بۇنداي كەلىسىم شارت تەك قىزدارعا عانا ەمەس، جىگىتتەرگە دە قاتىستى. KAT-TUN توبىنىڭ مۇشەسى دزين اكانيسي جاسىرىن ۇيلەنىپ العانىنىڭ كەسىرىنەن، ونەر جولىنداعى بارلىق مۇمكىندىكتەرىنەن ايىرىلادى.

شارتتى بۇزعاندار (جولدان تايعاندار)

پروديۋسەرلەردىڭ مازاعىنا شىداي الماي، شىعىپ كەتكەن «پۇتتار» دا بولدى. جىگىتتەردەن قۇرالعان SMAP توبى پروديۋسەرسىز، جەكە توپ بولىپ قۇرعىلارى كەلگەن ەكەن. اقىر سوڭىندا، انشىلەر تەلەارناعا شاقىرىلىپ، SMAP توبىنىڭ جەتەكشىسى 84 جاسار دجونني كيتاگاۆىدان جۇرت الدىندا كەشىرىم سۇرادى.

بۇنداي جازا جاپونيانىڭ كوپ انشىلەرى ءۇشىن ۇلكەن ساباق بولدى.

اۋدارعان: گۇلىم جاقان