قىتايدا ءولىم جازاسىن  قىلمىستىڭ 69 تۇرىنە قولدانادى. ولاردىڭ قاتارىندا: مەملەكەتتى ساتىپ كەتۋ، سەپاراتيزم، قارۋ اسىنىپ الىپ قوعامدى دۇرلىكتىرۋ، ەسىرتكى ساۋداسى جانە ت.ب. باسقالارى دا بار. الايدا، كامەلەت جاسقا تولماعانداردى ءولىم جازاسىنا كەسپەيدى.

كەيبىر مالىمەتتەردە كورسەتىلگەندەي، قىتايدا جىلىنا 5000-نان استامدى ءولىم جازاسىنا كەسەدى ەكەن. مۇنداي ۇكىم شىعارىلعان ادامداردى اتىپ نەمەسە ينەكسيا ارقىلى ولتىرەدى. بۇرىنعى ۋاقىتتاردا ءولىم جازاسىنا كەسىلگەن ادامدى دارعا اساتىن بولعان.

جازانىڭ ىسكە اسىرىلۋىن پروكۋراتۋرا قىزمەتكەرلەرى قاداعالايدى. ءولىم جازاسى ورىندالعاننان سوڭ حالىق سوتى قىلمىسكەردىڭ تۋىستارىنا حابار بەرەدى.

وسى جىلدىڭ اقپان ايىندا ليۋحان اتتى ميللياردەردىڭ قحر قىلمىستىق كودەكسىنىڭ 13-بابى بويىنشا ايىپتالىپ، ونى كەسىلگەن ءولىم جازاسىنىڭ قالاي ىسكە اسقاندىعى جايلى سۋرەتتەر ينتەرنەتتە جاريالانعان بولاتىن. نازارلارىڭىزعا زاڭنىڭ الدىندا بارلىعى دا بىردەي ەكەندىگى مەن قىتايداعى ءولىم جازاسى قالاي بولاتىندىعىن كورسەتەتىن سۋرەتتەردى ۇسىنامىز.

دەرەك كوزى: sputnik.kg