الماتى قارجى پوليسياسىنىڭ ەكس-باسشىسى مەن 35 ادام سوتتا جاۋاپقا تارتىلدى، دەپ حابارلايدى informburo.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

تەرگەۋ جۇمىستارى بارىسىندا قارجى پوليسيا باسقارماسىنىڭ ءتوراعاسى ءامىرحان امانبايەۆتىڭ قاتىسى بار ەكەندىگى بەلگىلى بولعان ۇقت ىسىنە قاتىستى ۇكىمدى الماتى قالاسىنداعى تەرگەۋ يزولياتورىندا وقىپ بەردى.

ءامىرحان امانبايەۆتىڭ دۇنيە-مۇلكىن تاركىلەپ، 14 جىلعا باس بوستاندىعىنان ايىردى. سونىمەن قاتار ءومىرىنىڭ سوڭىنا دەيىن مەملەكەتتىك قىزمەتكە ورنالاسا المايتىن بولدى.

امانبايەۆتى «قۇرمەت» وردەنى مەن باسقا دا مەملەكەتتىك ناگرادالارىنان ايىرۋ جايلى ۇكىم ەلباسىعا تانىستىرىلىپ، «3ء-شى سىنىپتى مەملەكەتتىك كەڭەسشى» شەنىنەن ايىرىلدى.

وعان 6 باپ بويىنشا ايىپ تاعىلعان:

• 28، 5ب. –   زاڭسىز ىس-ارەكەتتەرگە كومەك كورسەتۋ؛
• 215، 3ب. – مەملەكەتتىك فۋنكسيالاردى اتقارۋ ءۇشىن وتىرىك ۋاكىلەتتى ادام جاساۋ؛
• 263، 4ب. – ءوزىنىڭ قىزمەتىن اسىرا پايدالانا وتىرىپ، قىلمىستىق قاۋىم قۇرۋ نەمەسە باسشىلىق ەتۋ؛
• 218، 3ب. – قىلمىستىق جولمەن الىنعان قارجىنى نەمەسە باسقا دا مۇلىكتەردى زاڭداستىرۋ؛
• 307، 4ب. – قىزمەتىن اسىرا پايدالانىپ، اۋىر قىلمىستار جاساۋ؛
• 311، 5ب. – كولەمدى تۇردە پارا الۋ.

ۇقت ءىسى بويىنشا جاۋاپقا تارتىلۋشىلاردىڭ ءبىرى – ەۆگەنيي بروننيكوۆ اقتالىپ شىقتى.

ۇقت ءتوراعالارىنىڭ ءبىرى سەرگەي ءيليننىڭ دۇنيە-مۇلكىن تاركىلەپ، قاتاڭ رەجيمدە 16 جىل جازاسىن وتەۋگە ۇكىم شىعاردى.

باسقا سوتتالۋشىلار: الماتى قالاسى مەدەۋ اۋدانى بويىنشا مەملەكەتتىك كىرىس باسقارماسىنىڭ ەكس-باسشىسى ەلدوس جەكسەمبينوۆ، «قازاقستان يندۋستريالدى بانك» اق-نىڭ ەكس-توراعاسى نۇرلان شاۋكەروۆ، «ۆاز-ينتەرسەرۆيس» توو قاراعاندىلىق اۆتوسەرۆيس ديرەكتورى اندرەي زۋباريەۆ، الماتىداعى جەمقورلىققا قارسى دەپارتامەنت باسشىسىنىڭ ەكس-ورىنباسارى، قارجى پوليسيا پولكوۆنيگى مۇراتبەك قازىبايەۆ، الماتىلىق جەمقورلىققا قارسى دەپارتامەنت باسشىسىنىڭ ەكس-ورىنباسارى پولكوۆنيك قانات ارتىقبايەۆ، ورال قالاسى پروكۋرورىنىڭ ەكس-ورىنباسارى امانگەلدى بەيسەمبايەۆ جانە باسقالارى 3 پەن 16 جىل ارالىعىندا باس بوستاندىعىنان ايىرىلدى.

دەرەككوزدەردىڭ ايتۋىنشا، جەرگىلىكتى ب ا ق «قارا گەنەرال» دەپ اتاعان امانبايەۆتىڭ ۇقت سەرىكتەستەرى 78 ۋاكىلەتتى ادامداردى تاعايىنداپ، 77 ملرد. تەڭگە كولەمىندە اقشا جىمقىرعان.

اۋدارعان: نازەركە لابيحان