الماتى وبلىسىندا بەلگىسىزدەر بانكوماتتاعى ميلليونداعان اقشانى الا الماي، ورتەپ كەتكەن، - دەپ حابارلايدى Tengrinews.kz
جەلىدە ورتەنگەن ون جانە بەس مىڭدىق اقشانىڭ سۋرەتتەرى پايدا بولعان. سويتسەك، بۇل وقيعا الماتى وبلىسىنداعى سارىوزەك اۋىلىندا بولعان وقيعا ەكەن. قاسكويلەر دۇكەندە ورنالاسقان بانكوماتتاردىڭ ءبىرىن توناماق بولعان.
بەلگىسىزدەر بانكوماتتى بۇزا الماي، بانكوماتتاعى قاراجاتتى ورتەپ العان.
الماتى وبلىسى ءىىد رەسمي وكىلى ايمان مىرزەكوۆانىڭ ايتۋىنشا، وقيعا 18 اقپاندا بولعان.
"شىن مانىندە وقيعا سارىوزەك اۋىلىندا بولدى. بۇل دەرەك سوتالدى تەرگەۋلەردىڭ ءبىرىڭعاي رەەسترىندە تىركەلدى. وقيعانىڭ ءمان-جايى تەرگەۋ مۇددەسىنە بايلانىستى جاريا ەتىلمەيدى"، - دەدى ايمان مىرزەكوۆا.
راستالماعان مالىمەتتەر بويىنشا، 18 ميلليون تەڭگە ورتەنگەن.
پىكىر قالدىرۋ