سينحروندى جۇزۋدەن ۇلتتىق قۇرامانىڭ بۇرىنعى مۇشەلەرى ايگەرىم جەكسەمبينوۆا، ايسۇلۋ ناۋرىزبايەۆا، ايگەرىم يسايەۆا، امينا ەرماحانوۆا مەن اينۇر كەرەي-بايماحانوۆا ەكسكليۋزيۆتى سۇحبات بەردى، دەپ حابارلايدى prosports.kz
ازيا ويىندارىنىڭ قولا جۇلدەگەرلەرى، حالىقارالىق دارەجەدەگى سپورت شەبەرلەرى دميتريي ءبالانديندى جالا جاپقانى ءۇشىن سوتقا بەرمەك. بىرنەشە كۇن بۇرىن دميتريي بالاندين ءوزىنىڭ ينستاگرامم پاراقشاسىندا سينحروندى ءجۇزۋ سپورتشىلارىنىڭ اشىق حاتىنا بايلانىستى «جوققا شىعارۋ» اتتى جازبا جاريالاعان. الايدا، اتالمىش داۋ-داماي ءجۇزۋشى قىزداردىڭ نازارىنان تىس وتپەي، ولار بالاندينگە ءوز نارازىلىعىن ءبىلدىردى. 
كريستينا تىنىبايەۆا مەن ريو وليمپياداسىنىڭ چەمپيونى دميتيي بالاندين وزدەرىنىڭ پاراقشاسىندا جاريالاعان جازباسىندا «ۇلتتىق قۇراما مۇشەلەرىنە جالا جاپقان جوقپىز. بۇكىل شاعىمىمىز ناقتى دالەلدەرمەن كەلتىرىلگەن»، - دەدى. 
ەندى تارماقتار بويىنشا جاۋاپتارعا كوشەيىك: 
2015 جىلدىڭ اقپان ايىنان قىركۇيەككە دەيىن يسايەۆا ايگەرىم مەن جەكسەمبينوۆا ايگەرىم جالاقى العان جوق. الايدا، دەمچەنكو جاننا گەننادييەۆنا بىزگە جالاقى تولەپ بەرەمىن دەپ ۋادە بەرگەن. 
ال ءجۇزۋ كيىمدەرىنە كەلسەك، حاتتىڭ 3ء-شى تارماعىندا: «ءجۇزۋ كيىمدەرىن ءوز اقشامىزعى ساتىپ الادىق» دەپ انىق جازدىق. ال كريستينا تىنىبىايەۆا ءوزىنىڭ جازباسىندا ءسوزىمىزدى بۇرمالاپ، «ءبىزدى كيىم الۋعا ماجبۇرلەمەدى» دەگەن. بيۋدجەتتەن بولىنگەن جانە دەمەۋشىلەردىڭ اقشاسىنا كيىم تيمەگەنى تاڭ قالدىرادى. 
قۇراما مۇشەلەرىنىڭ باسىم كوپشىلىگى استانا قالاسىنىڭ اتىنان ونەر كورسەتەدى. الايدا، ولار استانا قالاسىنان جالاقى العان ەمەس. 2010 جانە 2014 جلعى ازيا ويىندارىنىڭ قولا جۇلدەسى ءۇشىن دە سىياقى المادىق. «قازىرگى قۇراما» ءبىزدى «جالعان قۇراما» دەپ اتاپ ۇلكەن قاتەلىك جىبەردى. شىنىن ايتقاندا ءبىز ۇلتتىق قۇرامانىڭ بۇرىنعى مۇشەلەرىمىز. سوعان بولا «جالعان قۇراما» اتانعانىمىز با؟ 
قازىرگى قۇراما مۇشەلەرى قارجى ماسەلەسى جايلى كوپ نارسەنى بىلمەيدى. وعان بىرنەشە مىسال دالەل. بىرىنشىدەن، ولار قۇراماعا بىزدەن كەيىن كەلدى. باسىم كوپشىلىگىنىڭ كەلگەنىنە ءبىر جىلداي عانا بولدى. ال قالعاندارى 2015-2016 جىلى سينحروندى جۇزۋشىلەر قۇرامادان كەتكەن كەزدە عانا الىندى. سەنبەسەڭىزدەر مۇراععاتتى كوتەرۋگە بولادى. قازىرگى قۇراماداعى قىزدار قارجى ماسەلەسى جايلى نە بىلەدى؟ ەشتەڭە.
ءبالانديننىڭ اڭگىمەسى بولەك. ءبارىمىز بىلەتىندەي ول جۇزۋدەن وليمپيادا چەمپيونى. ال سينحروندى ءجۇزۋ سپورتىنا ونىڭ قانداي قاتىسى بار؟ باپكەر بىزگە جالاقىنى ۋادە ەتكەندە بالاندين قاسىمىزدا بولعان جوق. دەمچەنكو تاراپىنان ەڭبەك قۇقىعىنىڭ بۇزىلعانىن بىلەتىندەي ديما سينحروندى ءجۇزۋ قۇراماسىمەن بىرگە جارىستارعا شىقتى ما؟ 
ديمانىڭ نەنى «مويىندامايتىنىن» ۇققان جوقپىز. وليمپيادا چەمپيونىنىڭ جاعدايدان حاباردار بولماي تۇرا وسىنداي شەشىم قابىلداعانى دۇرىس بولمادى. ءبىز سوندا دەمچەنكو جاننا گەننادييەۆنانىڭ ۇستىنەن قىلمىستىق ءىس قوزعالعانى جايلى الدادىق پا؟ ونىڭ ينستاگرامم پاراقشاسىندا دوستارى وتە كوپ. اتالمىش «مويىنداماۋ» جازباسىمەن ول بىرنەشە جەرلەستەرىمىزدى اداستىردى. وسىنىڭ بارلىعىن تۇجىرىمداي كەلە ءبىز ازيا ويىندارىنىڭ قولا جۇلدەگەرلەرى، حالىقارالىق دارەجەدەگى سپورت شەبەرلەرى جانە سينحروندى جۇزۋدەن ۇلتتىق قۇرامانىڭ بۇرىنعى مۇشەلەرى: ايگەرىم جەكسەمبينوۆا، ايسۇلۋ ناۋرىزبايەۆا، ايگەرىم يسايەۆا، امينا ەرماحانوۆا مەن اينۇر كەرەي-بايماحانوۆا قازىرگى سينحروندى ءجۇزۋ قۇراماسى مەن دميتريي بالاندينگە جالا جاپقانى ءۇشىن قۇزىرلى ورگاندارعا شاعىمدانۋدى ءجون كوردىك. سول سەبەپتى تاجىريبەلى قورعاۋشىنى جالدادىق، - دەدى سينحرونشى قىزدار.