«استانا ەكسپو -2017» اق-نىڭ باسقارما ءتوراعاسى احمەتجان ەسىموۆ كورمە قاتىسۋشىلارىمەن ءۇشىنشى مارتە جيىن وتكىزدى، دەپ حابارلايدى informburo.kz جاڭالىقتارى.

جيىندا احمەتجان ەسىموۆ قوناقتارعا استانانىڭ قىسى جايىندا ايتىپ بەردى:

«استانا سىزدەردى ءوزىنىڭ كەرەمەت، قارلى قىسىمەن قارسى الادى. بىزگە قىدىرىپ كەلگەن ءبىر قوناق ايتپاقشى، بۇنداي مەزگىلدە تازا اۋامەن ءبىر تىنىستاپ قالاسىڭ جانە قوسىمشا كۇش جينايسىڭ. وزدەرىڭىز دە بايقاعان بولارسىزدار».

جينالىسقا الەمنىڭ 100 مەملەكەتىنەن 300 ادام قاتىستى. ەسىموۆتىڭ ايتۋى بويىنشا، پاۆيلونداردى ءار ەلگە تاراتۋ باستالىپ كەتتى. سونىمەن قاتار، كورمەگە قاتىسۋشىلارعا دا پاۆيلوندى دايىنداۋ جۇمىستارىنا كىرىسە بەرۋىنە كەڭەس بەردى.

«كوپ ەلدەر قۇرىلىس جانە مونتاج جۇمىستارىن باستاپ كەتتى. كورمەگە دەيىن 108 كۇن قالعاندىقتان، دايىندىقتى تەزدەتكەنىمىز ءجون. بارلىق قىزمەت كورسەتۋ ورىندارى سىزدەرگە ىڭعايلانىپ سالىنعان»، - دەپ ءتۇسىندىردى ەسىموۆ.

بۇل جولى كورمە الدىنداعى قورىتىندى وتىرىس بولدى. وتىرىستا استانادا وتەتىن «ەكسپو-2017» كورمەسىنىڭ ءساتتى ءوتىپ شىعۋى جايىندا ماسەلەلەر سوڭعى رەت تالقىلاندى.