بۇنداي جاقسى كورسەتكىشكە تۇرمەدەگىلەردىڭ سانىن ازايتۋ جوباسىن ىسكە اسىرۋ ارقاسىندا قول جەتكەن.

ورتالىق كوممۋنيكاسيالار قىزمەتىندە 23 اقپاندا باس پروكۋراتۋرادا وتەتىن «تۇرمە رەفورماسىنىڭ» كەزەكتى ءىV فورۋمىنا رانلاعنا باسپا ءسوز كونفەرەنسياسى ءوتتى. جوسپارلانىپ وتىرعانداي، فورۋم بارىسىندا ءۇش جىلداعى (2013-2016 ج.ج.) جۇمىس قورىتىندىلانادى.

ءبىرىنشى فورۋم 13ء-شى جىلدىڭ اقپانىندا وتكىزىلگەن، وندا «تۇرمە حالقىن ازايتۋدىڭ 10 شاراسى» جوباسىنىڭ تۇساۋى كەسىلدى.         

ونىڭ ماقساتى – قازاقستاندى 2017 جىلعا دەيىن تۇرمە رەيتينگىسى ناشار 50 ەلدىڭ قاتارىنان شىعارۋ.

فورۋمدا قالىپتاسقان ۇسىنىستار ءىس-شارالار جوسپارىنا ەنگىزىلىپ، پارلامەنت دەپۋتاتتارىنىڭ، جوعارى سوتتىڭ، ءىىم، حالىقارالىق قۇقىق قورعاۋشى ۇيىمدارىنىڭ قولداۋىن تاپتى. جاڭا قىلمىستىق جانە قىلمىستىق-اتقارۋ كودەكستەرىنە قوسىلدى.  

جوبانى ءۇش جىل ىشىندە جۇزەگە اسىرۋ ناتيجەسىندە قازاقستاندا تۇرمەدەگىلەردىڭ سانى 30% ازايدى، 2012 جىلدىڭ 52 مىڭىنان 2016 جىلدىڭ سوڭىنا 36 مىڭعا دەيىن.

حالىقارالىق رەيتينگتە قازاقستان 35ء-شى ورىننان 68-گە كوتەرىلدى.

بۇل ەكى جىل ىشىندە قىلمىستىق-اتقارۋ جۇيەسىنىڭ 7 مەكەمەسىن جابۋعا مۇمكىندىك بەرىپ، بيۋدجەتتىڭ 12 ملرد. ۇنەمدەلدى.

سونىمەن قاتار 2014 - 2015 جىلدارى تۇرمە رەفورماسىنىڭ ەكىنشى جانە ءۇشىنشى فورۋمدارىندا تۇساۋكەسەرلەرى وتكەن «كولونيالاردا جۇمىسپەن قامتۋ - 2017» جانە «الەۋمەتتەندىرۋ – سەن قوعامعا كەرەكسىن»  جوبالارىن ىسكە اسىرۋ  ناتيجەلەرىن تالقىلاۋ جوسپارلانۋدا.

فورۋمنىڭ ەكىنشى بولىگىندە باس پروكۋراتۋرانىڭ «ازاپتاۋسىز قوعامعا»  جاڭا جوباسىنىڭ، سونداي-اق ولاردى بولدىرماۋدىڭ ناقتى ءىس-شارا جوسپارىنىڭ تۇساۋكەسەرى بولادى.

جوبانىڭ ماقساتى – قىلمىستىق پروسەستە جانە پەنيتەنسيارلىق سالادا ازاپتاۋدى جويۋ بويىنشا زاڭنامالىق جانە تاجىريبەلىك شارالاردى ازىرلەۋ جانە جۇزەگە اسىرۋ.

جوبانىڭ نەگىزى ازاپتاۋدى بولدىرماۋ ينستيتۋتتارىنىڭ تيىمدىلىگىن ارتتىرۋ باعىتىندا زاڭناماعا وزگەرىستەر ەنگىزۋ، سونداي-اق زاڭداردى جانە تاجىريبەنى حالىقارالىق ستاندارتتارعا جانە راتيفيكاسيالانعان كەلىسىمدەر مەن كونۆەنسيالار اياسىنداعى مىندەتتەرگە سايكەستەندىرۋ بولىپ تابىلادى.

ءىس-شارا جوسپارى 3 نەگىزگى باعىتتى قامتيدى:  ازاپتاۋلاردى بولدىرماۋدى، ولاردىڭ تەرگەلۋىن جانە جابىرلەنگەندەردى وڭالتۋدى.

ستامبۋل حاتتاماسىنىڭ قاعيدالارىن تاجىريبەگە ەنگىزۋ شارالارى بولەك كورسەتىلگەن، وندا ۇلتتىق جانە پروسەسۋالدىق ەرەكشەلىكتەرگە قاراماستان، ازاپتاۋدى ءتيىمدى تەرگەۋ بويىنشا بۇكىل الەمنىڭ تاجىريبەسى جيناقتالعان.  

سونداي-اق، فورۋمنىڭ تالقىلاۋىنا پەنيتەنسيارلىق جۇيەسىنىڭ جابىق مەكەمەلەرىندە ازاپتاۋدى، قاتىگەزدىكتى جانە جازالاۋدى بولدىرماۋ مەن الدىن الۋ شارالارى ۇسىنىلادى. مەملەكەتتىڭ جاۋاپتىلىعى مەن شىعىندى تولىق كولەمدە وتەلۋىن قامتاماسىز ەتۋ قاعيداسى نەگىزىندە ازاپتاۋمەن جابىرلەنگەندەردى ءتيىمدى وڭالتۋ ءۇشىن  ازاماتتىق زاڭنامانى جانە ونى قولدانۋ تاجىريبەسىن  وزگەرتۋ بويىنشا شارالار قوسىلعان.

ارىپتەستەر مەن فورۋمنىڭ قوسىمشا ۇيىمداستىرۋشىلارى پارلامەنت ءماجىلىسىنىڭ زاڭنامالىق جانە سوت-قۇقىقتىق رەفورماسى كوميتەتى، قازاقستان رەسپۋبليكاسىنداعى ادام قۇقىقتارى جونىندەگى ۋاكىلى، ىشكى ىستەر مينيسترلىگى، «قىلمىستىق سوت تورەلىگىن جەتىلدىرۋ» ەۋروپالىق وداق جوباسى، سونداي-اق  استانا قالاسىنداعى ەقىۇ باعدارلاما ءوفيسى.