رەسەي 22 جىل بۇرىن جالعا العان جەرلەردى قازاقستانعا قايتارادى. بۇل اقتوبە وبلىسىنداعى ەمبى اسكەري پوليگونى - 300 مىڭ گەكتاردان اسا. مۇنداي جارلىقتى ءماجىلىس دەپۋتاتتارى ماقۇلدادى، - دەپ حابارلايدى "استانا" تەلەارناسى. جالعا الۋ كەلىسىمىنىڭ مەرزىمى 2017 جىلدىڭ 1 قاڭتارىندا اياقتالعان. 

قورعانىس ءمينيسترىنىڭ ورىنباسارىنىڭ ايتۋىنشا، پوليگوندى قازاقستانعا قايتارۋ ءۇشىن ارنايى كوميسسيا قۇرىلادى. ايتۋىنشا، قازاقستان مىندەتتەردى ورىنداۋ ماسەلەسىندە رەسەيلىك تاراپقا شاعىمى جوق ەكەن. 

"پوليگوندى جالدان شىعارۋ ءوڭىردىڭ ەكونوميكالىق دامۋىنا وڭ اسەرىن بەرەدى، قايتارىلاتىن جەرلەر كاسىپكەرلەردىڭ مۇددەسىنە پايدالانىلۋى مۇمكىن، مۇندا اۋىل شارۋاشىلىعىمەن، پايدالى قازبالاردى ىزدەۋ جانە ءوندىرۋدى ۇيىمداستىرۋ ىستەرىمەن اينالىساتىندارعا قولايلى. وسى ارقىلى مەملەكەتتىك بيۋدجەتكە جاڭا قايناركوزدەن تابىس تۇسەدى. پوليگوننىڭ تەلىمدەرى الەۋمەتتىك ماڭىزى بار ينفراقۇرىلىمدىق جوبالاردىڭ قۇرىلىسىنا پايدالانىلۋى مۇمكىن"، - دەدى تالعات مۇحتاروۆ.

ءمينستردىڭ ورىنباسارى وسىنىڭ الدىندا رەسەيلىك تاراپتىڭ قازاقستانعا پوليگوندا ورنالاسقان جىلجىمايتىن جانە ورنىقتى مۇلىكتىڭ باردىعىن وتكىزىپ قويعانىن ايتتى. ونىڭ ىشىندە تۇرعىن-كازارمالىق قوردىڭ 15 عيماراتى بار.

ەسكە سالايىق، 1960 جىلدىڭ 10 مامىرىندا ەمبى-5 اسكەري قالاشىعى قۇرىلعان ەدى. پوليگوندا اۋە زىمىران پۆو CB، "كرۋگ"، "كۋب"، "بۋك" ، "TOP"، "وسا"، "س-300B"، "تۋنگۋسسكوي" اۋە قورعانىس س.ۆ. جەدەل تاكتيكالىق قىسقا اۋقىمدى زىمىران سىنالدى.

رەسەي جىل سايىن قازاقستانعا وسى ماقساتتا اقشا تولەپ تۇعان ەلى. ماسەلەن، وتكەن جىلى 7 ميلليارد تەڭگە شاماسىندا قاراجات تۇسكەن بولاتىن.